Túrkistan oblysy, Keles aýdany boıynsha aýyl sharýashylyǵy salasynyń negizgi kapıtalyna 334 mln teńge ınvestısıa tartyldy. Bul kórsetkishti bıylǵy jyldyń 9 aıynda 1 mlrd 165 mln teńgege jetkizý kózdelýde. Jalpy ónim kólemi boıynsha oblystaǵy Keles aýdanynyń úlesi 6,8 paıyzdy quraıdy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Keles aýdanynda 14,5 mlrd teńgeniń kóleminde aýyl sharýashylyǵy salasy ónimderi óndiriledi. Onyń ishinde 12 mlrd teńgege jýyǵy mal sharýashylyǵy ónimderi, 2 mlrd 750 mln teńge ósimdik sharýashylyǵy ónimderi.

Jalpy bıylǵy jyly óndiriletin ónim kólemi 60 mlrd. teńgeden aspaq. Eldegi pandemıalyq jaǵdaıǵa qaramastan, jyl sońynda jospar artyǵymen oryndalady dep kútilýde.

Bıyl óńirde ártaraptandyrý ádisimen aýyl sharýashylyǵy daqyldaryn 24 500 gektarǵa jetkizý nemese ótken jylǵy egispen salystyrǵanda 300 gektar artyq ornalastyrý josparlanǵan. Búgingi kúnge jer jyrtý jumystary 100 paıyzǵa oryndalyp otyr. Kóbine kókónis, dándik júgeri men mal azyǵy egildi.

Naqty atap ótsek, bıdaı – 1784 gektarǵa, dándik júgeri – 3750 gektarǵa, burshaqty astyq – 439 gektar, kókónis – 10254 gektar, kókónis – 10254 gektar, tehnıkalyq daqyl – 243 gektar, baqsha – 2266 gektar, kartop – 2102 gektar, mal azyǵy – 3662 gektarǵa aýmaqqa egilgen.