تۇركىستان وبلىسى، كەلەس اۋدانى بويىنشا اۋىل شارۋاشىلىعى سالاسىنىڭ نەگىزگى كاپيتالىنا 334 ملن تەڭگە ينۆەستيسيا تارتىلدى. بۇل كورسەتكىشتى بيىلعى جىلدىڭ 9 ايىندا 1 ملرد 165 ملن تەڭگەگە جەتكىزۋ كوزدەلۋدە. جالپى ءونىم كولەمى بويىنشا وبلىستاعى كەلەس اۋدانىنىڭ ۇلەسى 6،8 پايىزدى قۇرايدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

كەلەس اۋدانىندا 14،5 ملرد تەڭگەنىڭ كولەمىندە اۋىل شارۋاشىلىعى سالاسى ونىمدەرى وندىرىلەدى. ونىڭ ىشىندە 12 ملرد تەڭگەگە جۋىعى مال شارۋاشىلىعى ونىمدەرى، 2 ملرد 750 ملن تەڭگە وسىمدىك شارۋاشىلىعى ونىمدەرى.

جالپى بيىلعى جىلى وندىرىلەتىن ءونىم كولەمى 60 ملرد. تەڭگەدەن اسپاق. ەلدەگى پاندەميالىق جاعدايعا قاراماستان، جىل سوڭىندا جوسپار ارتىعىمەن ورىندالادى دەپ كۇتىلۋدە.

بيىل وڭىردە ءارتاراپتاندىرۋ ادىسىمەن اۋىل شارۋاشىلىعى داقىلدارىن 24 500 گەكتارعا جەتكىزۋ نەمەسە وتكەن جىلعى ەگىسپەن سالىستىرعاندا 300 گەكتار ارتىق ورنالاستىرۋ جوسپارلانعان. بۇگىنگى كۇنگە جەر جىرتۋ جۇمىستارى 100 پايىزعا ورىندالىپ وتىر. كوبىنە كوكونىس، داندىك جۇگەرى مەن مال ازىعى ەگىلدى.

ناقتى اتاپ وتسەك، بيداي – 1784 گەكتارعا، داندىك جۇگەرى – 3750 گەكتارعا، بۇرشاقتى استىق – 439 گەكتار، كوكونىس – 10254 گەكتار، كوكونىس – 10254 گەكتار، تەحنيكالىق داقىل – 243 گەكتار، باقشا – 2266 گەكتار، كارتوپ – 2102 گەكتار، مال ازىعى – 3662 گەكتارعا اۋماققا ەگىلگەن.