"KEGOC" AQ 2024 jylǵy birinshi jartyjyldyq qyzmetiniń qorytyndylary boiynsha dividentter tóledi. Kompaniia bul maqsatqa taza paidanyń 64,5%-yn, iaǵni 22,7 mlrd teńgeni baǵyttady. Sonda bir jai aktsiiadan túsken divident 82,40 teńgeni quraidy, dep habarlaidy Dalanews.kz.
2024 jyldyń birinshi jartyjyldyǵynyń qorytyndysy boiynsha "KEGOC" AQ jai aktsiialary boiynsha dividendter alýǵa quqyǵy bar kompaniia aktsionerleriniń tizimi 2024 jylǵy 28 qazanda 00 saǵat 00 minýtqa tirkeldi.
"KEGOC" AQ aktsionerlerine jylyna eki ret dividendter tóleitinin naqtylai ketelik.
2023 jyly kompaniia dividendtik saiasatyn jańartty, oǵan sáikes dividendterdi tóleýge taza paidanyń kem degende 60%-y jumsalady. 2014 jyldan bastap aktsionerlerge tólengen dividendter somasy 280 mlrd teńgeden asty.
Aita ketsek, 2023 jyly kompaniia KASE men AIX birjalarynda óz aktsiialaryn qaita ornalastyrý (SPO) arqyly 22,6 mlrd teńgeden astam qarajat tartyp, 15 mln 294 myń 118 baǵaly qaǵaz satty. Bir jai aktsiianyń baǵasy 1 482 teńgeni qurady. SPO nátijesinde investorlarǵa ornalastyrylǵan jai aktsiialardyń jalpy kóleminiń 5%-dan astamy satyldy, osylaisha "Samuryq-Qazyna" memlekettik qorynyń úlesi 90%-dan 85%-ǵa deiin qysqardy. Kompaniia IPO-ny 2014 jyly ótkizdi, ol kezde KASE-degi bir jai aktsiia 505 teńgede usynyldy. KEGOC Qazaqstannyń biryńǵai energetikalyq júiesiniń júielik operatory qyzmetin atqarady.
KASE derekteri boiynsha, 2024 jylǵy 1 qazandaǵy jaǵdai boiynsha kompaniia aktsiialarynyń 85%-y "Samuryq – Qazyna" memlekettik qoryna, 6,88%-y Biryńǵai jinaqtaýshy zeinetaqy qoryna tiesili.
