Almaty oblysynyń Kegen aýdanynda ornalasqan Sharyn shatqalynda buryn sońdy bolmaǵan, quny 1,5 mlrd. teńge bolatyn, álemdik standarqa saı «Park Canyon» oıyn saýyq parkiniń qurylysy osy jyly bastalady.

Kegen aýdanynyń ákimi Talǵat Baıedılovtyń aıtýynsha, bul joba taýly aımaqtyń týrısik áleýetin aıtarlyqtaı kótermek.

– Qurylys jumystaryn júrgizýge 24 ga jer telimi bólinip otyr.  Osy jyly birinshi kezekte 700 mln. teńgege qurylys jumystary bastalady. Joba iske qosylǵan jaǵdaıda, jylyna orta eseppen 375 mln. teńgege aqyly týrısik qyzmet kórsetetin bolady. 35 adam turaqty jumyspen qamtylyp, búdjetke jylyna 47 mln. teńge qarajat túsiredi dep josparlap otyrmyz, – deıdi aýdan basshysy.

Sonymen qatar, bul nysan janynan úsh birdeı aspaly kópir salynady. Shatqaldaǵy ótkeldiń uzyndyǵy 200 metr bolsa bıiktigi 80 metrge jetedi. Munda, 40 adamǵa arnalǵan qonaq úı turǵyzý josparda bar.