Búginde Almatyda qala basshysy Erbolat Dosaevtyń tapsyrmasy boıynsha Inklúzıvti qalalyq orta qurý boıynsha belsendi jumys júrgizilýde, – dep habarlaıdy Dalanews.kz Almaty qalasy ákiminiń baspasóz qyzmetine silteme jasap.
Búgin Almaty qalasy ákiminiń shtattan tys keńesshisi Qasıet Omarova Inklúzıvti ortany damytý jónindegi Keńestiń birinshi otyrysynda ınklúzıa – halyqtyń az qozǵalatyn toby úshin qalalyq ortanyń fızıkalyq qoljetimdiligin qamtamasyz etýdi ǵana emes, sonymen qatar barlyq azamattardyń qala ómirine belsendi aralasýy úshin teń múmkindikter jasaýǵa baǵyttalǵan shara ekenin alǵa tartty.
– Maǵan jańartylǵan keńestiń syndarly tásili qatty unady. Ol negizinen qoǵamdyq uıymdardyń ókilderinen ári ózin-ózi ınklúzıalaý problemalary týraly bilmeıtin adamdardan turady.
Inklúzıvtilik áleýmettik qorǵaý jónindegi organnyń jumysyn ǵana emes, sonymen qatar barlyq basqa memlekettik organdardyń jumysyn da qamtıtyny, ıaǵnı, qalanyń damýy úshin qajetti barlyq baǵyttardy qamtıtyny óte mańyzdy. Óıtkeni adamdar bar jerde ınklúzıa máselesiniń bolýy zańdy, – dep atap ótti shtattan tys keńesshi.
Qasıet Omarova jaıly qalalyq orta qurýǵa jáne onyń turǵyndarynyń ómir súrý sapasyn arttyrýǵa baǵyttalǵan «Almaty qalasyn damytýdyń 2025 jylǵa deıingi baǵdarlamasy men 2030 jylǵa deıingi orta merzimdi perspektıvalardy» iske asyrýda ınklúzıa sheshýshi ról atqarýǵa tıis ekenin atap ótti.
