بۇگىندە الماتىدا قالا باسشىسى ەربولات دوسايەۆتىڭ تاپسىرماسى بويىنشا ينكليۋزيۆتى قالالىق ورتا قۇرۋ بويىنشا بەلسەندى جۇمىس جۇرگىزىلۋدە، – دەپ حابارلايدى Dalanews.kz الماتى قالاسى اكىمىنىڭ باسپا ءسوز قىزمەتىنە سىلتەمە جاساپ.
بۇگىن الماتى قالاسى اكىمىنىڭ شتاتتان تىس كەڭەسشىسى قاسيەت وماروۆا ينكليۋزيۆتى ورتانى دامىتۋ جونىندەگى كەڭەستىڭ ءبىرىنشى وتىرىسىندا ينكليۋزيا – حالىقتىڭ از قوزعالاتىن توبى ءۇشىن قالالىق ورتانىڭ فيزيكالىق قولجەتىمدىلىگىن قامتاماسىز ەتۋدى عانا ەمەس، سونىمەن قاتار بارلىق ازاماتتاردىڭ قالا ومىرىنە بەلسەندى ارالاسۋى ءۇشىن تەڭ مۇمكىندىكتەر جاساۋعا باعىتتالعان شارا ەكەنىن العا تارتتى.
– ماعان جاڭارتىلعان كەڭەستىڭ سىندارلى ءتاسىلى قاتتى ۇنادى. ول نەگىزىنەن قوعامدىق ۇيىمداردىڭ وكىلدەرىنەن ءارى ءوزىن-وزى ينكليۋزيالاۋ پروبلەمالارى تۋرالى بىلمەيتىن ادامداردان تۇرادى.
ينكليۋزيۆتىلىك الەۋمەتتىك قورعاۋ جونىندەگى ورگاننىڭ جۇمىسىن عانا ەمەس، سونىمەن قاتار بارلىق باسقا مەملەكەتتىك ورگانداردىڭ جۇمىسىن دا قامتيتىنى، ياعني، قالانىڭ دامۋى ءۇشىن قاجەتتى بارلىق باعىتتاردى قامتيتىنى وتە ماڭىزدى. ويتكەنى ادامدار بار جەردە ينكليۋزيا ماسەلەسىنىڭ بولۋى زاڭدى، – دەپ اتاپ ءوتتى شتاتتان تىس كەڭەسشى.
قاسيەت وماروۆا جايلى قالالىق ورتا قۇرۋعا جانە ونىڭ تۇرعىندارىنىڭ ءومىر ءسۇرۋ ساپاسىن ارتتىرۋعا باعىتتالعان «الماتى قالاسىن دامىتۋدىڭ 2025 جىلعا دەيىنگى باعدارلاماسى مەن 2030 جىلعا دەيىنگى ورتا مەرزىمدى پەرسپەكتيۆالاردى» ىسكە اسىرۋدا ينكليۋزيا شەشۋشى ءرول اتقارۋعا ءتيىس ەكەنىن اتاپ ءوتتى.
