Qazaqstandyq uialy bailanys operatory Kcell kompaniiasy qiyn jaǵdaiǵa tap bolǵan qazaqstandyqtarǵa qoldaý kórsetip,sý tasqynynan zardap shekken aimaqtardyń turǵyndaryna tegin bailanys pen internet usyndy.
Aita ketý kerek, bul operatordyń áleýmettik jaýapkershiliginiń alǵashqy bastamasy jáne jalǵyz kórinisi emes. Kompaniia buǵan deiin 2022 jyly qańtar oqiǵasy men sol jyldyń qyrkúieginde Qostanai oblysynda bolǵan órt kezinde qazaqstandyqtarǵa kómek kórsetken.
Respýblikanyń bes oblysyndaǵy sý tasqyny bolyp jatqan qalalar men eldi mekenderdiń turǵyndaryna mobildi operator 10 gigabait internet-trafik, kez kelgen operatordyń jelisine 50 minýttyq qońyraý, sonymen qatar 50 tegin SMS-habarlama usyndy.
Mundai mańyzdy qoldaýńa Aqmola oblysyndaǵy Kókshetaý qalasy, osy attas oblystaǵy Abai aýdany, búkil Batys Qazaqstan oblysy, Aqtóbe oblysynyń Áiteke bi, Qobda, Oiyl, Muǵaljar jáne Temir aýdandary, sondai-aq Aqtóbe qalasy, sonymen qatar Qostanai oblysynyń Arqalyq, Amangeldi jáne Jangeldi aýdandar ie boldy.
Shynynda da, bul uialy bailanys operatorynyń birinshi jáne sońǵy qadamy emes. Mysaly, 2022 jyly qaiǵyly qańtar oqiǵasy kezinde Kcell de qiyn jaǵdaiǵa tap bolǵan qazaqstandyqtardy qoldaý úshin birqatar qoldaý sharalaryn qabyldaǵan bolatyn.
Al sol jyldyń qyrkúiek aiynda Qostanai oblysyndaǵy órt kezinde kompaniia oblystyń 220 myńnan astam turǵynyna tegin qońyraý shalyp, internet-trafikti qamtamasyz etti.
Esterińizge sala keteiik, osy aptada sý tasqynyna bailanysty Batys Qazaqstan jáne Abai oblystarynyń birqatar eldi mekenderinde tótenshe jaǵdai, al Qostanai jáne Aqtóbe oblystarynda tabiǵi tótenshe jaǵdai jariialanǵan bolatyn.
«Ksell» AQ baspasóz qyzmeti
