Búgin, 24 aqpan kúni Mańǵystaý oblysynyń ákimi Nurdáýlet Qilybaidyń tóraǵalyǵymen ótken jiynda Kaspii itbalyǵynyń popýliatsiiasyn saqtaý máselesi qaraldy. Basqosýǵa ekologiia belsendileri, táýelsiz sarapshylar men tabiǵat janashyrlary qatysty,- dep habarlaidy Dalanews.kz
Jiynda Aqtaý qalasyndaǵy Nazarbaev ziiatkerlik mektebiniń muǵalimi, «Ekolider» volonterlik klýbynyń jetekshisi Baqytgúl Jaqsylyqova Kaspii itbalyǵy men ony qorǵaýdyń mańyzdylyǵy týraly baiandady. Sarapshynyń pikirinshe, itbalyqtardyń qyrylýy teńizdiń lastanýy, brakonerlik jáne óndiristik jumystardyń saldarynan bolyp otyr.
"Teńizdiń lastanýy itbalyqtyń fizikalyq jaǵdaiyna áser etip, ony Kaspiidiń ekologiialyq jaǵdaiynyń tiri indikatoryna ainaldyrýda. Kaspii itbalyǵy Kaspii teńiziniń endemigi bolǵandyqtan, iaǵni ol álem boiynsha basqa esh jerde kezdespeitindikten, ony saqtaý mańyzdylyǵy asa ózekti", - dedi Baqytgúl Jaqsylyqova.
Jiyn barysynda tabiǵat janashyrlary itbalyqtardy saqtaý boiynsha birqatar usynystar aitty.
Atap aitqanda, tiri itbalyqtardy júieli zertteý, osy saladaǵy tapshy mamandyqtarǵa grant bólý, teńiz monitoringine jergilikti sarapshylardy tartý, brakonerlikpen kúres sharalaryn kúsheitý, ekologiialyq zańnamany jetildirý jáne Kaspii mańy elderimen birlesken zertteýler júrgizý qajet ekeni aityldy.
Oblys ákimi Nurdáýlet Qilybai atalǵan usynystardy saralap, jaýapty azamattarǵa naqty sharalar qabyldaý qajettigin tapsyrdy.
"Kaspii itbalyǵy – tek teńiz ekojúiesiniń ǵana emes, jalpy óńirdiń ekologiialyq ahýalynyń ainasy. Itbalyqtardy qorǵaý jumystary júieli bolýy úshin jáne ólekseler tabylǵan jaǵdaida olardy joiý úshin naqty algoritm ázirleý qajet. Sondai-aq, protsesterdi tiimdi baqylaý úshin tsifrlandyrý sharalaryn engizý mańyzdy. Osy salaǵa qajetti mamandardy daiarlaý úshin jergilikti oqý oryndary men teńiz salasyna mamandanǵan JOO arasynda kelisim júrgizip, grant bólý máselesin qarastyryńyzdar. Al oǵan deiin shuǵyl túrde daiyn mamandardy oblysqa tartýǵa jumystaný kerek. Itbalyqtardy saqtaýǵa baǵyttalǵan naqty is-sharalar kún tártibinen túspeýi tiis", – dedi Nurdáýlet Qilybai.
