Búgingi Úkimet otyrysynda premer-mınıstr Oljas Bektenov kelisimshart boıynsha mindettemeler oryndalmaı, jumys júrgizilmeı jatqan Kaspıı mańy baseınindegi ýchaskelerdi memleketke qaıtarý máselesin kóterdi, dep jazady Dalanews.kz.
Bul máselege qatysty Energetıka vıse-mınıstri Erlan Aqkenjenov esep berdi.
"2023-2024 jyldary Kaspıı mańy baseıninde osyndaı segiz ýchaske anyqtaldy. Atalǵan segiz kelisimshart búginderi toqtatyldy. 2024 jyly tórt ýchaske aýksıonǵa qoıyldy, olar boıynsha jyl sońyna deıin kelisimshartqa otyrý josparlanýda. Qalǵan tórt ýchaske kelesi jyly aýksıonǵa shyǵarylady nemese olar boıynsha tikeleı kelisimge otyrýǵa tyrysamyz", – dedi ol.
Energetıka mınıstrligine atalǵan jumysty jedeldetý tapsyryldy.
"2024 jyly eki elektrondyq aýksıon ótkizilip, 15 ýchaske satyldy. Qol jetkizilgen kelisimderdiń sońǵy somasy 32,7 mlrd teńgeni qurady, onyń ishinde 9,1 mlrd teńgesi búginderi búdjetke túsip tur. Geologıalyq barlaýǵa jumsalǵan ınvestısıa kólemi - 82,5 mln dollar", - dedi Erlan Aqkenjenov.
Buǵan deıin atalǵan Úkimet otyrysynda Ónerkásip jáne qurylys mınıstri Qanat Sharlapaev sońǵy 30 jylda Qazaqstanda temir, marganes, altyn, ýran, munaı jáne gaz qorlarynyń ósýi baıqalatynyn aıtqanyn jazǵanbyz.
