Qazaqstannyń Joǵary aýditorlyq palatasynyń uiǵarymy negizinde áýejailar aýmaǵyndaǵy kommertsiialyq qyzmetti júrgizý qaǵidalaryna ózgerister engizildi. Endi kásipkerlerge jalǵa beriletin kommertsiialyq oryndar biryńǵai konkýrstyq tártippen usynylady, dep habarlaidy dalanews.kz.
Mundai ózgerister memlekettik resýrstardy paidalaný tiimdiligine júrgizilgen aýdit nátijesinde qabyldanǵan. Tekserý Astana qalasynda ótkizilgen.
Aýdit qorytyndysy boiynsha Joǵary aýditorlyq palata Kólik ministrligine áýejailar (áýeailaqtar) aýmaǵyndaǵy áýejai qyzmetine jatpaityn qyzmet túrlerine qol jetkizý jáne qyzmet kórsetý qaǵidalaryna ózgerister engizýdi tapsyrdy.
Atap aitqanda, qoǵamdyq tamaqtaný oryndaryna, azyq-túlik satatyn avtomattarǵa jáne bagajdy qaptaý qyzmetine arnalǵan jalǵa berý alańdary endi tek konkýrs arqyly bólinedi.
Palatanyń málimetinshe, konkýrstyq irikteý barlyq áleýetti jalǵa alýshylar úshin ashyq ári teń múmkindik qalyptastyrady. Sonymen qatar qyzmet kórsetýshilerdi negizsiz tańdaýdyń táýekelin azaityp, áýejai múlkin tiimdi paidalanýǵa jol ashady.
Sondai-aq eń tiimdi usynystardy irikteý áýejailardyń jalǵa berýden túsetin ózindik kirisin arttyrýǵa múmkindik beredi.
Joǵary aýditorlyq palata aýdit nátijesinde berilgen ózge de tapsyrmalar men usynymdardyń oryndalýyn baqylaýda ustap otyrǵanyn málimdedi.
