بۇگىنگى ۇكىمەت وتىرىسىندا پرەمەر-مينيستر ولجاس بەكتەنوۆ كەلىسىمشارت بويىنشا مىندەتتەمەلەر ورىندالماي، جۇمىس جۇرگىزىلمەي جاتقان كاسپيي ماڭى باسسەينىندەگى ۋچاسكەلەردى مەملەكەتكە قايتارۋ ماسەلەسىن كوتەردى، دەپ جازادى Dalanews.kz.
بۇل ماسەلەگە قاتىستى ەنەرگەتيكا ۆيسە-مينيسترى ەرلان اقكەنجەنوۆ ەسەپ بەردى.
"2023-2024 جىلدارى كاسپيي ماڭى باسسەينىندە وسىنداي سەگىز ۋچاسكە انىقتالدى. اتالعان سەگىز كەلىسىمشارت بۇگىندەرى توقتاتىلدى. 2024 جىلى ءتورت ۋچاسكە اۋكسيونعا قويىلدى، ولار بويىنشا جىل سوڭىنا دەيىن كەلىسىمشارتقا وتىرۋ جوسپارلانۋدا. قالعان ءتورت ۋچاسكە كەلەسى جىلى اۋكسيونعا شىعارىلادى نەمەسە ولار بويىنشا تىكەلەي كەلىسىمگە وتىرۋعا تىرىسامىز"، – دەدى ول.
ەنەرگەتيكا مينيسترلىگىنە اتالعان جۇمىستى جەدەلدەتۋ تاپسىرىلدى.
"2024 جىلى ەكى ەلەكتروندىق اۋكسيون وتكىزىلىپ، 15 ۋچاسكە ساتىلدى. قول جەتكىزىلگەن كەلىسىمدەردىڭ سوڭعى سوماسى 32،7 ملرد تەڭگەنى قۇرادى، ونىڭ ىشىندە 9،1 ملرد تەڭگەسى بۇگىندەرى بيۋدجەتكە ءتۇسىپ تۇر. گەولوگيالىق بارلاۋعا جۇمسالعان ينۆەستيسيا كولەمى - 82،5 ملن دوللار"، - دەدى ەرلان اقكەنجەنوۆ.
بۇعان دەيىن اتالعان ۇكىمەت وتىرىسىندا ونەركاسىپ جانە قۇرىلىس ءمينيسترى قانات شارلاپايەۆ سوڭعى 30 جىلدا قازاقستاندا تەمىر، مارگانەس، التىن، ۋران، مۇناي جانە گاز قورلارىنىڭ ءوسۋى بايقالاتىنىن ايتقانىن جازعانبىز.
