Kaspii teńizinde joǵalǵan eki áskeri qyzmetshiniń denesi tabyldy, izdestirý operatsiiasy aiaqtaldy, dep habarlaidy dalanews.kz.
Qorǵanys ministrligi Kaspii teńizi akvatoriiasynda júrgizilgen izdestirý-qutqarý operatsiiasy aiaqtalǵanyn habarlady.
"Búgin, 25 qyrkúiekte, saǵat 09:15 shamasynda úzdiksiz júrgizilgen izdestirý-qutqarý jumystary barysynda buǵan deiin iz-tússiz joǵalǵan eki áskeri qyzmetshiniń - serjant Mansur Gýmarov pen matros Miras Turdybekulynyń súiekteri tabyldy", - dedi ministrlik ókilderi.
Ministrlik qaza tapqan áskeri qyzmetshilerdiń otbasylaryna materialdyq jáne psihologiialyq kómek kórsetiletinin málimdedi.
Eske salsaq, qaiǵyly oqiǵa 24 qyrkúiekte Mańǵystaý oblysynda Áskeri-teńiz kúshteriniń oqý-jattyǵýy kezinde bolǵan. Sýǵa ketken 17 áskeri qyzmetshiniń 14-i qaza tapty, úsheýi qutqaryldy.
Osyǵan bailanysty 25 qyrkúiek - Qazaqstanda jalpyulttyq aza tutý kúni bolyp jariialandy.
Qaiǵyly oqiǵaǵa qatysty 12 saraptama taǵaiyndaldy. Sonymen qatar, tragediiaǵa bailanysty kúdiktiler anyqtaldy.
