Kaspi banktiń mobıldi qosymshasynyń tehnıkalyq sebepterge baılanysty istemeı qalýy jurtty ábigerge salǵany belgili. Osydan keıin áleýmettik jelide bankke kıber shaýyl jasalynypty degen aqparat jeldeı esip, eldiń kúmán-kúdigin odan saıyn zoraıta túskeni jasyryn emes. Bank ókilderi munyń tehnıkalyq aqý ekenin aıtqannan keıin kóńilimiz ornyna túskeni anyq.

Aldaǵy ýaqytta bank basshylyǵy mundaı jaǵdaılardyń aldyn alyp, qosymshasyn damytyp otyrýy mańyzdy.

– Bankte tehnıkalyq aqaý shyqqany aıtylsa, obektıvti túrde túsinistikpen qaraý kerek. Óıtkeni mundaı jaǵdaı kez kelgen mekemede bolady. Mundaıda sabyr saqtaǵan jón. Al abdyraǵan halyq qaıta-qaıta qosymshaǵa kirgen saıyn, júıeni qatyryp, jumysty qıyndatyp jiberdi. Qarajatyńyzdy tek kartada ustamaı, únemi qolma-qol aqshańyzdyń da bolǵany durys, – dedi QR Qarjy naryǵyn retteý jáne damytý agenttigi, Qarjy qyzmeti tutynýshylar quqyǵyn qorǵaý departamentiniń dırektory Aleksandr Terentev.

Tańerteńgi ýaqytta halyq keń qoldanatyn Kaspi.kz qosymshasy isten shyqqany belgili. Jurtshylyqtyń júıege kirýi qıyndap, operasıalar toqtady. Sonyń saldarynan el arasynda túrli jalǵan aqparattar jeldeı esken.

Alaıda bank ókilderi qaýesetke senbeýge shaqyryp, tek qana tehnıkalyq júıeniń syr bergenin aıtqan. Qazir tutynýshylar ádettegideı Kaspi.kz-tiń barlyq qyzmetin qoldana alady. Buǵan qosa, ketken qatelik úshin banktegiler kópshilikten keshirim surap, 29-qazan men 4-qarasha aralyǵynda ár satyp alýshyǵa 5 paıyzdyq bonýs bermek.

Bul  Kaspi Gold jáne Kaspi Red-pen Kaspi QR arqyly tólemge. İT jetekshi mamandar tek resmı aqparatqa súıený kerektigin eskertedi.