الداعى ۋاقىتتا بانك باسشىلىعى مۇنداي جاعدايلاردىڭ الدىن الىپ، قوسىمشاسىن دامىتىپ وتىرۋى ماڭىزدى.
– بانكتە تەحنيكالىق اقاۋ شىققانى ايتىلسا، وبەكتيۆتى تۇردە تۇسىنىستىكپەن قاراۋ كەرەك. ويتكەنى مۇنداي جاعداي كەز كەلگەن مەكەمەدە بولادى. مۇندايدا سابىر ساقتاعان ءجون. ال ابدىراعان حالىق قايتا-قايتا قوسىمشاعا كىرگەن سايىن، جۇيەنى قاتىرىپ، جۇمىستى قيىنداتىپ جىبەردى. قاراجاتىڭىزدى تەك كارتادا ۇستاماي، ۇنەمى قولما-قول اقشاڭىزدىڭ دا بولعانى دۇرىس، – دەدى ق ر قارجى نارىعىن رەتتەۋ جانە دامىتۋ اگەنتتىگى، قارجى قىزمەتى تۇتىنۋشىلار قۇقىعىن قورعاۋ دەپارتامەنتىنىڭ ديرەكتورى الەكساندر تەرەنتيەۆ.
تاڭەرتەڭگى ۋاقىتتا حالىق كەڭ قولداناتىن Kaspi.kz قوسىمشاسى ىستەن شىققانى بەلگىلى. جۇرتشىلىقتىڭ جۇيەگە كىرۋى قيىنداپ، وپەراسيالار توقتادى. سونىڭ سالدارىنان ەل اراسىندا ءتۇرلى جالعان اقپاراتتار جەلدەي ەسكەن.
الايدا بانك وكىلدەرى قاۋەسەتكە سەنبەۋگە شاقىرىپ، تەك قانا تەحنيكالىق جۇيەنىڭ سىر بەرگەنىن ايتقان. ءقازىر تۇتىنۋشىلار ادەتتەگىدەي Kaspi.kzء-تىڭ بارلىق قىزمەتىن قولدانا الادى. بۇعان قوسا، كەتكەن قاتەلىك ءۇشىن بانكتەگىلەر كوپشىلىكتەن كەشىرىم سۇراپ، 29-قازان مەن 4-قاراشا ارالىعىندا ءار ساتىپ الۋشىعا 5 پايىزدىق بونۋس بەرمەك.
بۇل Kaspi Gold جانە Kaspi Red-پەن Kaspi QR ارقىلى تولەمگە. ءىت جەتەكشى ماماندار تەك رەسمي اقپاراتقا سۇيەنۋ كەرەكتىگىن ەسكەرتەدى.
