– Sońǵy jyldary isi ilgerilegen kásipkerdi depýtat qylyp jiberetin boldyq. Nemese kásipkerlerimizdiń ózi depýtat bolǵysy kelip janyǵyp júredi.
Aitys, ádebiet pen mádenietke, sportqa demeýshi bolady, metsenat atanady. Arada biraz kún ótkennen keiin kóshede "Maǵan daýys ber, halqym!" degen bilbordy ilýli turady. Osylaisha sailaýǵa qatysyp, Parlamentke ótedi. Ótemei jatsa, ótkizemiz ǵoi óitip-búitip (bir qyzyǵy depýtat bolǵan soń metsenattyǵy da toqtap qalady).
Osy jolǵy sailaýda da sol qaraqtar alǵy shepte bolatyn syqyldy. Sodan kim utady? Ne bolady? Qyńyr oiym aitady: ol saiasat degen mi batpaqqa batady da ketedi.
Batpasa da esil ýaqytyn ózi túsinbeitin taqyryptar boiynsha baiandamalar tyńdap, zańdarǵa shuqshiýmen ótkizedi deidi. Ol ýaqytyn biznesine jumsaǵanda oǵan da, elge de paidaly bolar ma edi?!
Sodan bolar bizdiń biznes degen túsinigimiz kommertsiianyń ainalysynan aspai jatqany, meiramhana, toihana ashqandardy biznesmen dep tanyp júrgenimiz.
Otyz jylda shetel naryǵyna qansha biznes ókili shyqty, oligarhtardy eseptemegende?.. Qansha kásipker, metsenat biznesten saiasat sahnasyna sekirip ketti? Al saýsaqty búgip, sanap jibereiik, qaisysy kóp eken, – deidi jýrnalist.
