– سوڭعى جىلدارى ٸسٸ ٸلگەرٸلەگەن كەسٸپكەردٸ دەپۋتات قىلىپ جٸبەرەتٸن بولدىق. نەمەسە كەسٸپكەرلەرٸمٸزدٸڭ ٶزٸ دەپۋتات بولعىسى كەلٸپ جانىعىپ جٷرەدٸ.
ايتىس, ەدەبيەت پەن مەدەنيەتكە, سپورتقا دەمەۋشٸ بولادى, مەتسەنات اتانادى. ارادا بٸراز كٷن ٶتكەننەن كەيٸن كٶشەدە "ماعان داۋىس بەر, حالقىم!" دەگەن بيلبوردى ٸلۋلٸ تۇرادى. وسىلايشا سايلاۋعا قاتىسىپ, پارلامەنتكە ٶتەدٸ. ٶتەمەي جاتسا, ٶتكٸزەمٸز عوي ٶيتٸپ-بٷيتٸپ (بٸر قىزىعى دەپۋتات بولعان سوڭ مەتسەناتتىعى دا توقتاپ قالادى).
وسى جولعى سايلاۋدا دا سول قاراقتار العى شەپتە بولاتىن سىقىلدى. سودان كٸم ۇتادى? نە بولادى? قىڭىر ويىم ايتادى: ول ساياسات دەگەن مي باتپاققا باتادى دا كەتەدٸ.
باتپاسا دا ەسٸل ۋاقىتىن ٶزٸ تٷسٸنبەيتٸن تاقىرىپتار بويىنشا باياندامالار تىڭداپ, زاڭدارعا شۇقشيۋمەن ٶتكٸزەدٸ دەيدٸ. ول ۋاقىتىن بيزنەسٸنە جۇمساعاندا وعان دا, ەلگە دە پايدالى بولار ما ەدٸ?!
سودان بولار بٸزدٸڭ بيزنەس دەگەن تٷسٸنٸگٸمٸز كوممەرتسييانىڭ اينالىسىنان اسپاي جاتقانى, مەيرامحانا, تويحانا اشقانداردى بيزنەسمەن دەپ تانىپ جٷرگەنٸمٸز.
وتىز جىلدا شەتەل نارىعىنا قانشا بيزنەس ٶكٸلٸ شىقتى, وليگارحتاردى ەسەپتەمەگەندە?.. قانشا كەسٸپكەر, مەتسەنات بيزنەستەن ساياسات ساحناسىنا سەكٸرٸپ كەتتٸ? ال ساۋساقتى بٷگٸپ, ساناپ جٸبەرەيٸك, قايسىسى كٶپ ەكەن, – دەيدٸ جۋرناليست.
