Qarasha aiynda KASE indeksi 6,0%-ǵa ósip, aidyń sońyna qarai 5 524,76 tarmaqty qurady. Indekstelgen aktsiialar boiynsha jasalǵan mámileler kólemi 18,4 mlrd teńgege jetti, bul - qazan aiyndaǵy kórsetkishten 6,3 mlrd teńgege joǵary deńgei. Saýda- sattyqtyń eń úlken kólemi "Qazaqtelekomnyń" jai aktsiialaryna tiesili: 6,5 mlrd teńge nemese indekstilgen aktsiialar boiynsha saýda-sattyqtyń jalpy kóleminiń 35,6%-y, dep jazady Dalanews.kz.
Qazaqstan qor birjasyndaǵy (KASE) derekterge júginsek, qarasha aiynyń qorytyndysy boiynsha eń úzdik ósim qunyna 12,9% qosqan "Qazaqstan Halyq Banki" aktsiialary boiynsha tirkeldi. Qarjylyq esepke sáikes, banktiń 2024 jylǵy toǵyz aidaǵy taza paidasy 18,3%-ǵa, iaǵni 638,8 mlrd teńgege deiin ulǵaidy, al taza paiyzdyq marjasy 6,3%-dan 7,1%-ǵa deiin ósti.
Aidyń qorytyndysy boiynsha kóshbasshy aktsiialar tizimindegi ekinshi orynda -12,5% nátijege ie "Qazaqtelekom" aktsiialary. Qarjylyq esep boiynsha atalǵan kompaniianyń 2024 jyldyń toǵyz aiyndaǵy tabysy 5,0%-ǵa, iaǵni 364,3 mlrd teńgege deiin ósti, al taza paidasy 40,5%-ǵa, iaǵni 53,1 mlrd teńgege deiin tómendedi.
Eseptilik kezeńdegi úzdik úshtikti "BankTsentrKredit" túiindeidi, onyń aktsiialary 10,8%-ǵa ósti. Usynylǵan dereterge sáikes, banktiń 2024 jylǵy toǵyz aidaǵy taza paidasy 39,2%-ǵa, iaǵni 144,3 mlrd teńgege deiin ulǵaidy, al taza paiyzdyq kiristeri 41,8% - ǵa, 212,8 mlrd teńgege deiin ósti.
