قاراشا ايىندا KASE يندەكسٸ 6,0%-عا ٶسٸپ, ايدىڭ سوڭىنا قاراي 5 524,76 تارماقتى قۇرادى. يندەكستەلگەن اكتسييالار بويىنشا جاسالعان مەمٸلەلەر كٶلەمٸ 18,4 ملرد تەڭگەگە جەتتٸ, بۇل - قازان ايىنداعى كٶرسەتكٸشتەن 6,3 ملرد تەڭگەگە جوعارى دەڭگەي. ساۋدا- ساتتىقتىڭ ەڭ ٷلكەن كٶلەمٸ "قازاقتەلەكومنىڭ" جاي اكتسييالارىنا تيەسٸلٸ: 6,5 ملرد تەڭگە نەمەسە يندەكستٸلگەن اكتسييالار بويىنشا ساۋدا-ساتتىقتىڭ جالپى كٶلەمٸنٸڭ 35,6%-ى, دەپ جازادى Dalanews.kz.
قازاقستان قور بيرجاسىنداعى (KASE) دەرەكتەرگە جٷگٸنسەك, قاراشا ايىنىڭ قورىتىندىسى بويىنشا ەڭ ٷزدٸك ٶسٸم قۇنىنا 12,9% قوسقان "قازاقستان حالىق بانكٸ" اكتسييالارى بويىنشا تٸركەلدٸ. قارجىلىق ەسەپكە سەيكەس, بانكتٸڭ 2024 جىلعى توعىز ايداعى تازا پايداسى 18,3%-عا, ياعني 638,8 ملرد تەڭگەگە دەيٸن ۇلعايدى, ال تازا پايىزدىق مارجاسى 6,3%-دان 7,1%-عا دەيٸن ٶستٸ.
ايدىڭ قورىتىندىسى بويىنشا كٶشباسشى اكتسييالار تٸزٸمٸندەگٸ ەكٸنشٸ ورىندا -12,5% نەتيجەگە يە "قازاقتەلەكوم" اكتسييالارى. قارجىلىق ەسەپ بويىنشا اتالعان كومپانييانىڭ 2024 جىلدىڭ توعىز ايىنداعى تابىسى 5,0%-عا, ياعني 364,3 ملرد تەڭگەگە دەيٸن ٶستٸ, ال تازا پايداسى 40,5%-عا, ياعني 53,1 ملرد تەڭگەگە دەيٸن تٶمەندەدٸ.
ەسەپتٸلٸك كەزەڭدەگٸ ٷزدٸك ٷشتٸكتٸ "بانكتسەنتركرەديت" تٷيٸندەيدٸ, ونىڭ اكتسييالارى 10,8%-عا ٶستٸ. ۇسىنىلعان دەرەتەرگە سەيكەس, بانكتٸڭ 2024 جىلعى توعىز ايداعى تازا پايداسى 39,2%-عا, ياعني 144,3 ملرد تەڭگەگە دەيٸن ۇلعايدى, ال تازا پايىزدىق كٸرٸستەرٸ 41,8% - عا, 212,8 ملرد تەڭگەگە دەيٸن ٶستٸ.
