Astanadaǵy el kózinen tasalaý ornalasqan eńseli úi satylymǵa shyqty. Bastapqy baǵasy – 1,8 mlrd teńge. Záýlim úidiń Kárim Másimovke qatysy bolýy múmkin,- dep habarlaidy Dalanews.kz.
Qaitarylǵan aktivterdi basqarý jónindegi kompaniia Nura aýdany Ereimentaý kóshesi, 1 mekenjaiynda ornalasqan eńseli záýlim úidi satýǵa qoidy.
Bastapqy baǵasy – 1,8 mlrd teńge, kepildik jarnasy – 117,9 mln teńge. Saýda 25 aqpanda ótedi dep belgilengen.
Qyzyǵy, dál osy úidiń sýretterin 2022 jyly Ulttyq qaýipsizdik komiteti eks-tóraǵa Kárim Másimov qamaýǵa alynǵan kezde jariialaǵan edi. Tergeý barysynda onyń zańsyz iemdengen birneshe nysany anyqtalǵan, solardyń biri - eńseli kottedj.
Másimov 2022 jylǵy Qańtar oqiǵasy kezinde ustaldy. Keiin oǵan «memleketke opasyzdyq jasady», «bilikti kúshpen basyp alýǵa árekettendi» degen aýyr aiyptar taǵylyp, 2023 jylǵy sáýirde 18 jylǵa sottaldy. Ol úkimge appeliatsiialyq shaǵym túsirgenimen, sot sheshimdi ózgertpedi. Byltyr jazda «raqymshylyqqa iligemin be» degen úmiti de aqtalmai, Toqaev «murttynyń» ótinishin maqul kórmedi.
Endi Aktivterdi qaitarý mekemesi bir kezderi Másimov ómir súrgen elitalyq úidi aýktsionǵa qoiyp otyr. «Murttynyń» murasy memleketke qaitarylyp, jańa iesin tabýǵa daiyn.
Sarapshylar munyń saýdagerler úshin qyzyq nysan, al memleket úshin jymqyrylǵan bailyqtyń bir ushy elge qaitqany dep topshylap otyr.
