استاناداعى ەل كٶزٸنەن تاسالاۋ ورنالاسقان ەڭسەلٸ ٷي ساتىلىمعا شىقتى. باستاپقى باعاسى – 1,8 ملرد تەڭگە. زەۋلٸم ٷيدٸڭ كەرٸم مەسٸموۆكە قاتىسى بولۋى مٷمكٸن,- دەپ حابارلايدى Dalanews.kz.
قايتارىلعان اكتيۆتەردٸ باسقارۋ جٶنٸندەگٸ كومپانييا نۇرا اۋدانى ەرەيمەنتاۋ كٶشەسٸ, 1 مەكەنجايىندا ورنالاسقان ەڭسەلٸ زەۋلٸم ٷيدٸ ساتۋعا قويدى.
باستاپقى باعاسى – 1,8 ملرد تەڭگە, كەپٸلدٸك جارناسى – 117,9 ملن تەڭگە. ساۋدا 25 اقپاندا ٶتەدٸ دەپ بەلگٸلەنگەن.
قىزىعى, دەل وسى ٷيدٸڭ سۋرەتتەرٸن 2022 جىلى ۇلتتىق قاۋٸپسٸزدٸك كوميتەتٸ ەكس-تٶراعا كەرٸم مەسٸموۆ قاماۋعا الىنعان كەزدە جارييالاعان ەدٸ. تەرگەۋ بارىسىندا ونىڭ زاڭسىز يەمدەنگەن بٸرنەشە نىسانى انىقتالعان, سولاردىڭ بٸرٸ - ەڭسەلٸ كوتتەدج.
مەسٸموۆ 2022 جىلعى قاڭتار وقيعاسى كەزٸندە ۇستالدى. كەيٸن وعان «مەملەكەتكە وپاسىزدىق جاسادى», «بيلٸكتٸ كٷشپەن باسىپ الۋعا ەرەكەتتەندٸ» دەگەن اۋىر ايىپتار تاعىلىپ, 2023 جىلعى سەۋٸردە 18 جىلعا سوتتالدى. ول ٷكٸمگە اپپەلياتسييالىق شاعىم تٷسٸرگەنٸمەن, سوت شەشٸمدٸ ٶزگەرتپەدٸ. بىلتىر جازدا «راقىمشىلىققا ٸلٸگەمٸن بە» دەگەن ٷمٸتٸ دە اقتالماي, توقاەۆ «مۇرتتىنىڭ» ٶتٸنٸشٸن ماقۇل كٶرمەدٸ.
ەندٸ اكتيۆتەردٸ قايتارۋ مەكەمەسٸ بٸر كەزدەرٸ مەسٸموۆ ٶمٸر سٷرگەن ەليتالىق ٷيدٸ اۋكتسيونعا قويىپ وتىر. «مۇرتتىنىڭ» مۇراسى مەملەكەتكە قايتارىلىپ, جاڭا يەسٸن تابۋعا دايىن.
ساراپشىلار مۇنىڭ ساۋداگەرلەر ٷشٸن قىزىق نىسان, ال مەملەكەت ٷشٸن جىمقىرىلعان بايلىقتىڭ بٸر ۇشى ەلگە قايتقانى دەپ توپشىلاپ وتىر.
