Kanadanyń Niý-Bransýik provintsiiasynyń parlamentinde kútpegen jaǵdai boldy. Depýtat Bill Oliver parlament minberinde sóilep turǵan kezde ChatGPT jasaǵan mátinniń bir bóligin baiqamai daýystap oqyp jibergen, dep habarlaidy dalanews.kz.
Ol sóz arasynda: «Mine, bul bólimniń qysqa tarmaqtar jiyntyǵy emes, parlamenttik sózge kóbirek uqsaityn tabiǵi ári jatyq nusqasy», – dep aitqan. Bul sóilemniń ózi ChatGPT usynǵan jaýaptyń kirispesi bolǵany baiqalady.
Boljam boiynsha, jasandy intellekttiń jaýaby sóz mátinine kezdeisoq engizilip ketken. Parlament otyrysy kezinde bul qatelikti eshkim ańǵarmaǵan. Alaida jiynnyń beinejazbasy jariialanǵannan keiin atalǵan sát áleýmettik jelilerde keńinen tarap, qyzý talqylana bastady.
Ázirge sóz mátinin ChatGPT arqyly depýtattyń ózi daiyndaǵany nemese ony kómekshileri ázirlegeni belgisiz. Bill Oliver bul oqiǵaǵa qatysty ázirge eshqandai pikir bildirgen joq.
