كانادانىڭ نيۋ-برانسۋيك پروۆينتسيياسىنىڭ پارلامەنتٸندە كٷتپەگەن جاعداي بولدى. دەپۋتات بيلل وليۆەر پارلامەنت مٸنبەرٸندە سٶيلەپ تۇرعان كەزدە ChatGPT جاساعان مەتٸننٸڭ بٸر بٶلٸگٸن بايقاماي داۋىستاپ وقىپ جٸبەرگەن, دەپ حابارلايدى dalanews.kz.
ول سٶز اراسىندا: «مٸنە, بۇل بٶلٸمنٸڭ قىسقا تارماقتار جيىنتىعى ەمەس, پارلامەنتتٸك سٶزگە كٶبٸرەك ۇقسايتىن تابيعي ەرٸ جاتىق نۇسقاسى», – دەپ ايتقان. بۇل سٶيلەمنٸڭ ٶزٸ ChatGPT ۇسىنعان جاۋاپتىڭ كٸرٸسپەسٸ بولعانى بايقالادى.
بولجام بويىنشا, جاساندى ينتەللەكتتٸڭ جاۋابى سٶز مەتٸنٸنە كەزدەيسوق ەنگٸزٸلٸپ كەتكەن. پارلامەنت وتىرىسى كەزٸندە بۇل قاتەلٸكتٸ ەشكٸم اڭعارماعان. الايدا جيىننىڭ بەينەجازباسى جارييالانعاننان كەيٸن اتالعان سەت ەلەۋمەتتٸك جەلٸلەردە كەڭٸنەن تاراپ, قىزۋ تالقىلانا باستادى.
ەزٸرگە سٶز مەتٸنٸن ChatGPT ارقىلى دەپۋتاتتىڭ ٶزٸ دايىنداعانى نەمەسە ونى كٶمەكشٸلەرٸ ەزٸرلەگەنٸ بەلگٸسٸز. بيلل وليۆەر بۇل وقيعاعا قاتىستى ەزٸرگە ەشقانداي پٸكٸر بٸلدٸرگەن جوق.
