Qazaqstannyń Bas prokýratýrasy kámeletke tolmaǵan balany zorlady jáne óltirdi dep aiyptalǵan adamdy Reseiden ekstraditsiialady, - dep habarlaidy Dalanews.kz.
Kámeletke tolmaǵan balany aldyn ala sóz bailasý arqyly zorlaǵany jáne ony óltirýdi uiymdastyrǵany úshin qylmystyq jaýaptylyqqa tartý maqsatynda Resei Federatsiiasynan Qazaqstan azamaty ekstraditsiialandy.
Atalǵan tulǵa 2008 jyly Pavlodar oblysy Aqsý qalasyndaǵy páterlerdiń birinde kámeletke tolmaǵan balany zorlaǵan.
Osydan keiin kúdikti zorlaý úshin jaýaptylyqtan qorqyp, tanystarymen bir top adam bolyp áreket etip, kámeletke tolmaǵan balany kúshtep kólikke otyrǵyzyp, aýyldyq aimaqqa alyp ketken.
Jol boiynda sybailastardyń biri buryn adam óltirgeni úshin sottalǵan tulǵa bola tura, jábirlenýshiniń moinyn ustap, ony tunshyqtyryp óltirgen.
Adam óltirýdi jasyrý úshin qaskúnemder kámeletke tolmaǵan balanyń denesin dalaǵa kómgen.
Kámeletke tolmaǵan balany zorlap, ony óltirýdi uiymdastyrǵan, qashyp úlgergen jáne 15 jyl boiy halyqaralyq izdeýde bolǵan sottalýshyny qospaǵanda, adam óltirýge qatysy bar tulǵalar ártúrli jaza túrlerine sottaldy.
Ótken jylǵy qyrkúiekte ol Resei Federatsiiasynyń Krasnodar ólkesinde ustalyp, keiin Qazaqstan Respýblikasy Bas prokýratýrasynyń suraýy boiynsha Qazaqstanǵa ekstraditsiialanǵan.
Qazirgi ýaqytta Petropavl qalasynyń tergeý izoliatoryna qamaldy.
Oǵan taǵylǵan qylmystardy jasaǵany úshin on jyldan jiyrma jylǵa deiingi merzimge bas bostandyǵynan aiyrý nemese ómir boiyna bas bostandyǵynan aiyrý túrindegi jaza qarastyrylǵan.
