Jýrnalist Dana Ormanbaeva Baian Maqsatqyzynan ekinshi ret jeńilip qaldy, - dep habarlaidy Dalanews.kz.
Almaty qalasy Medeý aýdanynyń №2 aýdandyq sotynda jabyq sot otyrysynda telekommýnikatsiia jelilerin paidalana otyryp qorlaý (QK 131-babynyń 2-bóligi) boiynsha aiyptalýshy Ormanbaevaǵa qatysty qylmystyq isi qaraldy.
2024 jyldyń 3 jáne 6 sáýirinde jýrnalist-bloger Dana Ormanbaeva Instagram áleýmettik jelisindegi paraqshasynda prodiýser Baian Maqsatqyzyna qatysty ádepsiz túrde qorlaityn sipattaǵy birqatar jazba jariialaǵan.
Osyǵan bailanysty jábirlenýshi retinde tanylǵan Baian Maqsatqyzy jeke aiyptaý tártibimen sotqa shaǵym túsirdi.
Sottalýshynyń kináli áreketterdi jasaýǵa kináli ekendigi is boiynsha jinalǵan dáleldemelermen, jábirlenýshiniń aiǵaqtarymen de, sarapshylardyń qorytyndysymen dáleldendi.
Ormanbaevanyń jazasyn jeńildetetin jait - kishkentai balasynyń bolýy. Jaýaptylyqty aýyrlatatyn mán-jailar joq.
Joǵaryda kórsetilgendi eskere otyryp, sottalýshy kináli dep tanylyp, oǵan 20 AEK (73 840 teńge) kóleminde aiyppul salyndy.
Sot Ormanbaevadan moraldyq ziiandy óteý retinde jábirlenýshiniń paidasyna 500 myń teńge óndirdi. Úkim zańdy kúshine engen joq.
