جۋرناليست دانا ورمانبايەۆا بايان ماقساتقىزىنان ەكىنشى رەت جەڭىلىپ قالدى، - دەپ حابارلايدى Dalanews.kz.
الماتى قالاسى مەدەۋ اۋدانىنىڭ №2 اۋداندىق سوتىندا جابىق سوت وتىرىسىندا تەلەكوممۋنيكاسيا جەلىلەرىن پايدالانا وتىرىپ قورلاۋ (قك 131-بابىنىڭ 2-بولىگى) بويىنشا ايىپتالۋشى ورمانبايەۆاعا قاتىستى قىلمىستىق ءىسى قارالدى.
2024 جىلدىڭ 3 جانە 6 ساۋىرىندە جۋرناليست-بلوگەر دانا ورمانبايەۆا Instagram الەۋمەتتىك جەلىسىندەگى پاراقشاسىندا پروديۋسەر بايان ماقساتقىزىنا قاتىستى ادەپسىز تۇردە قورلايتىن سيپاتتاعى ءبىرقاتار جازبا جاريالاعان.
وسىعان بايلانىستى جابىرلەنۋشى رەتىندە تانىلعان بايان ماقسات قىزى جەكە ايىپتاۋ تارتىبىمەن سوتقا شاعىم ءتۇسىردى.
سوتتالۋشىنىڭ كىنالى ارەكەتتەردى جاساۋعا كىنالى ەكەندىگى ءىس بويىنشا جينالعان دالەلدەمەلەرمەن، جابىرلەنۋشىنىڭ ايعاقتارىمەن دە، ساراپشىلاردىڭ قورىتىندىسىمەن دالەلدەندى.
ورمانبايەۆانىڭ جازاسىن جەڭىلدەتەتىن جايت - كىشكەنتاي بالاسىنىڭ بولۋى. جاۋاپتىلىقتى اۋىرلاتاتىن ءمان-جايلار جوق.
جوعارىدا كورسەتىلگەندى ەسكەرە وتىرىپ، سوتتالۋشى كىنالى دەپ تانىلىپ، وعان 20 اەك (73 840 تەڭگە) كولەمىندە ايىپپۇل سالىندى.
سوت ورمانبايەۆادان مورالدىق زياندى وتەۋ رەتىندە جابىرلەنۋشىنىڭ پايداسىنا 500 مىڭ تەڭگە ءوندىردى. ۇكىم زاڭدى كۇشىنە ەنگەن جوق.
