Qaraǵandylyq jýrnalist Botagóz Omarova kólik ministr Marat Qarabaevty sotqa bermek, - dep habarlaidy Dalanews.kz.
Jýrnalistiń ministrdi sotqa berýine Qarabaevtyń Qaraǵandyda 500 jumys orny bolatyn zaýyt salý týraly qujatqa qol qoiýy sebep bolǵan. Alaida zaýyt áli salynbaǵan.
Úkimette Botagóz Omarova ministrdiń qaraǵandylyqtardy aldaǵanyn alǵa tartty. Arada tórt jyl ótse de zaýyt áli salynbaǵan.
"Sizdi buryn sotqa berip kórgen be?" dep surady jýrnalist ministrden, ol "joq" dep jaýap berdi.
Jýrnalistiń sózinshe, ministr qol qoiǵan qujat boiynsha, Qaraǵandyda "Aqtas kómir" zaýyty salynýy kerek bolǵan. Zaýytta 500 jumys orny bolady dep josparlanǵan. Alaida bergen ýáde oryndalmaǵan. Sottyń egjei-tegjeileri týraly Botagóz áleýmettik jelidegi paraqshasynda habarlady.
Botagóz Omarovanyń sózinshe, buǵan deiin Májilis depýtaty Sergei Panamarev te depýtattyq saýal joldaǵan.
"Eger qujatqa qol qoiylǵan bolsa, onda oǵan zańǵa sáikes qol qoiylǵan. Belgili bir obektige litsenziia alý tártibi bar. Jobanyń qurylysyn kásipker óz moinyna alady. Taǵy bir másele – kásipkerdiń óz mindettemelerin oryndaýy. Kásipkerlik bul jer telimin tirkeýge mindetti, ony izdeý jumystarynyń merzimi bar, ol 6 jylǵa deiin sozylýy múmkin, odan keiin taý-ken jumystary júrgiziledi, sodan keiin zaýyt salynady. Bul jerde máseleni ýaqyt turǵysynan zertteý kerek", - dep jaýap berdi ministr jýrnalist saýalyna.
