قاراعاندىلىق جۋرناليست بوتاگوز وماروۆا كولىك مينيستر مارات قارابايەۆتى سوتقا بەرمەك، - دەپ حابارلايدى Dalanews.kz. 

ءجۋرناليستىڭ ءمينيستردى سوتقا بەرۋىنە قارابايەۆتىڭ قاراعاندىدا 500 جۇمىس ورنى بولاتىن زاۋىت سالۋ تۋرالى قۇجاتقا قول قويۋى سەبەپ بولعان. الايدا زاۋىت ءالى سالىنباعان. 

ۇكىمەتتە بوتاگوز وماروۆا ءمينيستردىڭ قاراعاندىلىقتاردى الداعانىن العا تارتتى. ارادا ءتورت جىل وتسە دە زاۋىت ءالى سالىنباعان.

"ءسىزدى بۇرىن سوتقا بەرىپ كورگەن بە؟" دەپ سۇرادى جۋرناليست مينيستردەن، ول "جوق" دەپ جاۋاپ بەردى. 

ءجۋرناليستىڭ سوزىنشە، مينيستر قول قويعان قۇجات بويىنشا، قاراعاندىدا "اقتاس كومىر" زاۋىتى سالىنۋى كەرەك بولعان. زاۋىتتا 500 جۇمىس ورنى بولادى دەپ جوسپارلانعان. الايدا بەرگەن ۋادە ورىندالماعان. سوتتىڭ ەگجەي-تەگجەيلەرى تۋرالى بوتاگوز الەۋمەتتىك جەلىدەگى پاراقشاسىندا حابارلادى.

بوتاگوز وماروۆانىڭ سوزىنشە، بۇعان دەيىن ءماجىلىس دەپۋتاتى سەرگەي پاناماريەۆ تە دەپۋتاتتىق ساۋال جولداعان.

"ەگەر قۇجاتقا قول قويىلعان بولسا، وندا وعان زاڭعا سايكەس قول قويىلعان. بەلگىلى ءبىر وبەكتىگە ليسەنزيا الۋ ءتارتىبى بار. جوبانىڭ قۇرىلىسىن كاسىپكەر ءوز موينىنا الادى. تاعى ءبىر ماسەلە – كاسىپكەردىڭ ءوز مىندەتتەمەلەرىن ورىنداۋى. كاسىپكەرلىك بۇل جەر تەلىمىن تىركەۋگە مىندەتتى، ونى ىزدەۋ جۇمىستارىنىڭ مەرزىمى بار، ول 6 جىلعا دەيىن سوزىلۋى مۇمكىن، ودان كەيىن تاۋ-كەن جۇمىستارى جۇرگىزىلەدى، سودان كەيىن زاۋىت سالىنادى. بۇل جەردە ماسەلەنى ۋاقىت تۇرعىسىنان زەرتتەۋ كەرەك"، - دەپ جاۋاپ بەردى مينيستر جۋرناليست ساۋالىنا.