Belgili jýrnalist, bloger Ońǵar Qabden Abai kz saitynda Bishimbaev isiniń aiaqtalyp kele jatqanyn aityp, bul istiń ainalasynda qandai tartys júrip jatqanyn jazdy, – dep habarlaidy Dalanews.kz
Búgin Saltanat Núkenovanyń ólimine qatysty mańyzdy aqparat kelip tústi. Advokattar qazirdiń ózinde is materialdarymen tanysýdy aiaqtapty. Bul degenińiz jaqynda Bishimbaev sot aldynda jaýap beredi degen sóz.
Bul kisi ólimi búkil Qazaqstandy dúr silkindirdi. Bizdiń ómir súrip jatqan qoǵamymyzdaǵy óte mańyzdy taqyryp – áielder men balalarǵa qatysty zorlyq-zombylyq máselesi kóterildi. Almatyda mitingter ótip, otbasynda turmystyq zorlyqqa ushyraǵan qanshama áiel óz basynan keshkenin qoǵamǵa jariialady.
Men kisi óltirgen adamnyń barynsha qatań jazalanýy kerek dep esepteimin.
Qazir sot bastalar aldynda BAQ pen álemjelide Qýandyq Bishimbaevty aqtaýdyń kezekti naýqany bastalǵaly jatyr.
Esterińizde bolsa, bundai jaǵdai Bishimbaev byltyr ustalǵan soń birden oryn alǵan bolatyn.
Kúdiktiniń týystary birneshe PR-agenttikterdi jaldaǵan ba degen oiǵa qalyp otyrmyn. Óitkeni, keibir mańyzdy tulǵalar da Qýandyqtyń kóp til biletinin, úlgili otbasy, qarapaiym da jaqsy jigit ekendigin jarysa jazyp jatty.
Biraq eń ókinishtisi, keibireýler Bishimbaevty jaqsy jaǵynan kórsetýge ǵana emes, marqum Saltanatty jan-jaqty jamandap, qaralaýǵa da tyrysyp jattyr. Olar ony «qatty mas boldy, tabletka ishti» dep jazdy! Tipti keibireýleri «Sol ishken tabletkadan qaitys bolypty» dep betteri búlk etpesen jazǵanyna kýá boldyq!
Kezinde JOO rektory bolyp, qisapsyz bailyq jinaǵan ákesi ulynyń kisi óltirgenin qaralap jazdy dep birneshe bloger men jýrnalistiń ústinen aryz da jazdy!
Jaqynda sot. Eldegi turmystyq zorlyq-zombylyqtyń shkalasyndai bolǵan Saltanat Núkenovanyń ólimine qatysty shyǵarylatyn sheshim, bolashaqtaǵy áielder men balalar máselesi úshin óte mańyzdy bolmaq!
