Белгілі журналист, блогер Оңғар Қабден Абай кз сайтында Бишімбаев ісінің аяқталып келе жатқанын айтып, бұл істің айналасында қандай тартыс жүріп жатқанын жазды, – деп хабарлайды Dalanews.kz
Бүгін Салтанат Нүкенованың өліміне қатысты маңызды ақпарат келіп түсті. Адвокаттар қазірдің өзінде іс материалдарымен танысуды аяқтапты. Бұл дегеніңіз жақында Бишімбаев сот алдында жауап береді деген сөз.
Бұл кісі өлімі бүкіл Қазақстанды дүр сілкіндірді. Біздің өмір сүріп жатқан қоғамымыздағы өте маңызды тақырып – әйелдер мен балаларға қатысты зорлық-зомбылық мәселесі көтерілді. Алматыда митингтер өтіп, отбасында тұрмыстық зорлыққа ұшыраған қаншама әйел өз басынан кешкенін қоғамға жариялады.
Мен кісі өлтірген адамның барынша қатаң жазалануы керек деп есептеймін.
Қазір сот басталар алдында БАҚ пен әлемжеліде Қуандық Бишімбаевты ақтаудың кезекті науқаны басталғалы жатыр.
Естеріңізде болса, бұндай жағдай Бишімбаев былтыр ұсталған соң бірден орын алған болатын.
Күдіктінің туыстары бірнеше PR-агенттіктерді жалдаған ба деген ойға қалып отырмын. Өйткені, кейбір маңызды тұлғалар да Қуандықтың көп тіл білетінін, үлгілі отбасы, қарапайым да жақсы жігіт екендігін жарыса жазып жатты.
Бірақ ең өкініштісі, кейбіреулер Бишімбаевты жақсы жағынан көрсетуге ғана емес, марқұм Салтанатты жан-жақты жамандап, қаралауға да тырысып жаттыр. Олар оны «қатты мас болды, таблетка ішті» деп жазды! Тіпті кейбіреулері «Сол ішкен таблеткадан қайтыс болыпты» деп беттері бүлк етпесен жазғанына куә болдық!
Кезінде ЖОО ректоры болып, қисапсыз байлық жинаған әкесі ұлының кісі өлтіргенін қаралап жазды деп бірнеше блогер мен журналистің үстінен арыз да жазды!
Жақында сот. Елдегі тұрмыстық зорлық-зомбылықтың шкаласындай болған Салтанат Нүкенованың өліміне қатысты шығарылатын шешім, болашақтағы әйелдер мен балалар мәселесі үшін өте маңызды болмақ!
