بەلگٸلٸ جۋرناليست, بلوگەر وڭعار قابدەن اباي كز سايتىندا بيشٸمباەۆ ٸسٸنٸڭ اياقتالىپ كەلە جاتقانىن ايتىپ, بۇل ٸستٸڭ اينالاسىندا قانداي تارتىس جٷرٸپ جاتقانىن جازدى, – دەپ حابارلايدى Dalanews.kz
بٷگٸن سالتانات نٷكەنوۆانىڭ ٶلٸمٸنە قاتىستى ماڭىزدى اقپارات كەلٸپ تٷستٸ. ادۆوكاتتار قازٸردٸڭ ٶزٸندە ٸس ماتەريالدارىمەن تانىسۋدى اياقتاپتى. بۇل دەگەنٸڭٸز جاقىندا بيشٸمباەۆ سوت الدىندا جاۋاپ بەرەدٸ دەگەن سٶز.
بۇل كٸسٸ ٶلٸمٸ بٷكٸل قازاقستاندى دٷر سٸلكٸندٸردٸ. بٸزدٸڭ ٶمٸر سٷرٸپ جاتقان قوعامىمىزداعى ٶتە ماڭىزدى تاقىرىپ – ەيەلدەر مەن بالالارعا قاتىستى زورلىق-زومبىلىق مەسەلەسٸ كٶتەرٸلدٸ. الماتىدا ميتينگتەر ٶتٸپ, وتباسىندا تۇرمىستىق زورلىققا ۇشىراعان قانشاما ەيەل ٶز باسىنان كەشكەنٸن قوعامعا جارييالادى.
مەن كٸسٸ ٶلتٸرگەن ادامنىڭ بارىنشا قاتاڭ جازالانۋى كەرەك دەپ ەسەپتەيمٸن.
قازٸر سوت باستالار الدىندا باق پەن ەلەمجەلٸدە قۋاندىق بيشٸمباەۆتى اقتاۋدىڭ كەزەكتٸ ناۋقانى باستالعالى جاتىر.
ەستەرٸڭٸزدە بولسا, بۇنداي جاعداي بيشٸمباەۆ بىلتىر ۇستالعان سوڭ بٸردەن ورىن العان بولاتىن.
كٷدٸكتٸنٸڭ تۋىستارى بٸرنەشە PR-اگەنتتٸكتەردٸ جالداعان با دەگەن ويعا قالىپ وتىرمىن. ٶيتكەنٸ, كەيبٸر ماڭىزدى تۇلعالار دا قۋاندىقتىڭ كٶپ تٸل بٸلەتٸنٸن, ٷلگٸلٸ وتباسى, قاراپايىم دا جاقسى جٸگٸت ەكەندٸگٸن جارىسا جازىپ جاتتى.
بٸراق ەڭ ٶكٸنٸشتٸسٸ, كەيبٸرەۋلەر بيشٸمباەۆتى جاقسى جاعىنان كٶرسەتۋگە عانا ەمەس, مارقۇم سالتاناتتى جان-جاقتى جامانداپ, قارالاۋعا دا تىرىسىپ جاتتىر. ولار ونى «قاتتى ماس بولدى, تابلەتكا ٸشتٸ» دەپ جازدى! تٸپتٸ كەيبٸرەۋلەرٸ «سول ٸشكەن تابلەتكادان قايتىس بولىپتى» دەپ بەتتەرٸ بٷلك ەتپەسەن جازعانىنا كۋە بولدىق!
كەزٸندە جوو رەكتورى بولىپ, قيساپسىز بايلىق جيناعان ەكەسٸ ۇلىنىڭ كٸسٸ ٶلتٸرگەنٸن قارالاپ جازدى دەپ بٸرنەشە بلوگەر مەن جۋرناليستٸڭ ٷستٸنەن ارىز دا جازدى!
جاقىندا سوت. ەلدەگٸ تۇرمىستىق زورلىق-زومبىلىقتىڭ شكالاسىنداي بولعان سالتانات نٷكەنوۆانىڭ ٶلٸمٸنە قاتىستى شىعارىلاتىن شەشٸم, بولاشاقتاعى ەيەلدەر مەن بالالار مەسەلەسٸ ٷشٸن ٶتە ماڭىزدى بولماق!
