Qazaqstanda jumyssyzdyq deńgeii keiingi 15 jylda 5 paiyz shamasynda turaqtap tur. Alaida atalǵan kórsetkish shyndyqqa janaspaidy. Bul týraly Májilis depýtaty Elnur Beisenbaev málimdedi, dep habarlaidy Dalanews.kz.
Onyń aitýynsha, elde eńbekke qabiletti on millionǵa jýyq adam bolsa, sonyń nebári bes milliony ǵana naqty ári turaqty jumyspen qamtylǵan.
"Bul — alańdatarlyq jaǵdai. Pandemiia kezinde 42 500 teńge kólemindegi járdemaqyny 4,5 million adam aldy. Biz sol halyqty búginge deiin tolyqqandy jumyspen nemese kásippen qamtamasyz ete almai kelemiz", — dedi depýtat.
Beisenbaev eńbek naryǵyndaǵy bul kórsetkishter eldegi naqty ahýaldy kórsetpeitinin aityp, jaýapty organdardy naqty ári ádiletti málimetterge súienýge shaqyrdy.
