Astanada 50-den astam jumys berýshiniń qatysýymen bos oryndar jármeńkesi ótedi,- dep habarlaıdy Dalanews.kz elorda ákimdiginiń resmı saıtyna silteme jasap.

28 aqpanda elordada jumysshy mamandyqtar jylyna oraılastyrylǵan bos oryndar jármeńkesi ótedi. Nura aýdany ákimdiginiń uıymdastyrýymen ótetin is-sharada 50-den astam jumys berýshi bilim berý men medısınadan bastap bıznes pen memlekettik qyzmetke deıingi túrli salada 200-den astam bos jumys ornyn usynady.

Jármeńke «Barys Arena» muz saraıynda (Turan dańǵyly, 57) saǵat 13:00-den 20:00-ge deıin ótedi. Kirý tegin. Jármeńkege barlyq jastaǵy turǵyndar qatysa alady.

Kelýshiler kompanıa ókilderimen tikeleı sóılesip, eńbek jaǵdaılary jáne jumys kestelerimen tanysyp, óz túıindemelerin qaldyra alady.

Jármeńkege qatysqysy keletin jumys berýshiler tómendegi nómirler boıynsha habarlasa alady: +7 (776) 111-80-08; +7 (771) 111-88-81; +7 (776) 978-99-00; 55-00-48.