2025 jylǵy 1 jeltoqsandaǵy jaǵdaı boıynsha jumyspen qamtý kartasy aıasynda oblysta 24 myń 925 adam jumysqa ornalastyrylǵan. Onyń ishinde 16 myń 211 adam turaqty, 8 myń 714 adam ýaqytsha jumysqa qabyldanǵan, dep habarlaıdy Dalanews.kz
Infraqurylymdyq jobalar boıynsha jyl basynan beri 1 648 adam jumyspen qamtyldy. Bul baǵytta turaqty jáne ýaqytsha jumys oryndary ashylyp, óńirdiń ár aımaǵynda jumyspen qamtý belsendi júrgizilýde. Jobalardy tıimdi iske asyrý maqsatynda jumysshylardy jańa jobalarǵa qaıta baǵyttaý sharalary da júrgizilýde. Bul óz kezeginde josparlanǵan jumys oryndaryn tolyq saqtaýǵa múmkindik berdi. Jumysqa ornalasqan azamattardyń basym bóligi mindetti zeınetaqy jarnalarymen qamtylǵan, elektrondyq eńbek sharttary engizilýde.
Sýbsıdıalanatyn jumys oryndaryna 7 myń 486 adam jumysqa ornalastyrylǵan. Memleket basshysynyń 10 myń turǵynǵa 100 jańa jumys ornyn qurý jónindegi tapsyrmasy sheńberinde oblysta 9 myń 49 adam jańadan ashylǵan kásiporyndarǵa jumysqa qabyldandy. Kásiporyndar usynǵan bos jumys oryndary arqyly 6 myń 476 azamat jumysqa ornalasty.
Bıznes-ıdeıalardy iske asyrý úshin 205 grant berildi. Bul óńirdegi shaǵyn kásipkerlikti damytýǵa qosymsha serpin berdi. «Dıplommen aýylǵa» jobasy aıasynda mamandarǵa jeńildetilgen nesıeler usynylyp, aýyldyq jerlerge kadr tartý jumysy jalǵasýda.
2026 jylǵa arnalǵan josparlaý jumystary da bastaldy. Kelesi jyly 3 myń 977 jumys ornyn ashý josparlanyp otyr. Onyń ishinde 3 myń 167 ýaqytsha, 810 turaqty jumys orny qarastyrylǵan. Bul óńirdiń jumyspen qamtý salasyndaǵy turaqty ósimin saqtaýǵa baǵyttalǵan.
