2025 جىلعى 1 جەلتوقسانداعى جاعداي بويىنشا جۇمىسپەن قامتۋ كارتاسى اياسىندا وبلىستا 24 مىڭ 925 ادام جۇمىسقا ورنالاستىرىلعان. ونىڭ ىشىندە 16 مىڭ 211 ادام تۇراقتى، 8 مىڭ 714 ادام ۋاقىتشا جۇمىسقا قابىلدانعان، دەپ حابارلايدى Dalanews.kz
ينفراقۇرىلىمدىق جوبالار بويىنشا جىل باسىنان بەرى 1 648 ادام جۇمىسپەن قامتىلدى. بۇل باعىتتا تۇراقتى جانە ۋاقىتشا جۇمىس ورىندارى اشىلىپ، ءوڭىردىڭ ءار ايماعىندا جۇمىسپەن قامتۋ بەلسەندى جۇرگىزىلۋدە. جوبالاردى ءتيىمدى ىسكە اسىرۋ ماقساتىندا جۇمىسشىلاردى جاڭا جوبالارعا قايتا باعىتتاۋ شارالارى دا جۇرگىزىلۋدە. بۇل ءوز كەزەگىندە جوسپارلانعان جۇمىس ورىندارىن تولىق ساقتاۋعا مۇمكىندىك بەردى. جۇمىسقا ورنالاسقان ازاماتتاردىڭ باسىم بولىگى مىندەتتى زەينەتاقى جارنالارىمەن قامتىلعان، ەلەكتروندىق ەڭبەك شارتتارى ەنگىزىلۋدە.
سۋبسيديالاناتىن جۇمىس ورىندارىنا 7 مىڭ 486 ادام جۇمىسقا ورنالاستىرىلعان. مەملەكەت باسشىسىنىڭ 10 مىڭ تۇرعىنعا 100 جاڭا جۇمىس ورنىن قۇرۋ جونىندەگى تاپسىرماسى شەڭبەرىندە وبلىستا 9 مىڭ 49 ادام جاڭادان اشىلعان كاسىپورىندارعا جۇمىسقا قابىلداندى. كاسىپورىندار ۇسىنعان بوس جۇمىس ورىندارى ارقىلى 6 مىڭ 476 ازامات جۇمىسقا ورنالاستى.
بيزنەس-يدەيالاردى ىسكە اسىرۋ ءۇشىن 205 گرانت بەرىلدى. بۇل وڭىردەگى شاعىن كاسىپكەرلىكتى دامىتۋعا قوسىمشا سەرپىن بەردى. «ديپلوممەن اۋىلعا» جوباسى اياسىندا ماماندارعا جەڭىلدەتىلگەن نەسيەلەر ۇسىنىلىپ، اۋىلدىق جەرلەرگە كادر تارتۋ جۇمىسى جالعاسۋدا.
2026 جىلعا ارنالعان جوسپارلاۋ جۇمىستارى دا باستالدى. كەلەسى جىلى 3 مىڭ 977 جۇمىس ورنىن اشۋ جوسپارلانىپ وتىر. ونىڭ ىشىندە 3 مىڭ 167 ۋاقىتشا، 810 تۇراقتى جۇمىس ورنى قاراستىرىلعان. بۇل ءوڭىردىڭ جۇمىسپەن قامتۋ سالاسىنداعى تۇراقتى ءوسىمىن ساقتاۋعا باعىتتالعان.
