Aqorda prezıdent Qasym-Jomart Toqaevtyń osy aptadaǵy josparyn aıtty, dep habarlaıdy Dalanews.kz.

Aqorda málimetinshe, osy aptada Astanaǵa birinen soń biri shet memlekettiń basshylary keleıin dep jatyr.

Osy rette Qasym-Jomart Toqaevtyń jumys kestesi óte tyǵyz.

28-29 mamyr kúnderi Qazaqstanǵa Rýanda Prezıdenti Pol Kagame resmı saparmen keledi.

28 mamyrda Germanıa Federatıvtik Respýblıkasy Býndesratynyń Tóraǵasy Anke Relıngermen kezdesý ótedi.

28-29 mamyr kúnderi Soltústik Makedonıa Prezıdenti Gordana Sılánovskaıa-Davkova jumys saparymen keledi.

28-29 mamyrda Astanaǵa Horvatıa Premer-mınıstri Andreı Plenkovıch jumys saparymen keledi.

29 mamyr kúni Prezıdent Qasym-Jomart Toqaev Astana halyqaralyq forýmyna (AIF) qatysady jáne resmı delegasıa jetekshilerimen, sondaı-aq halyqaralyq uıymdar men kompanıalar basshylarymen birqatar kezdesý ótkizedi.

30 mamyrda elimizge Italıa Premer-mınıstri Djordja Melonı resmı saparmen keledi. Sol kúni aımaqtaǵy memleketter basshylarynyń qatysýymen birinshi «Ortalyq Azıa – Italıa» samıti ótedi.

31 mamyrda Prezıdent Saıası qýǵyn-súrgin jáne asharshylyq qurbandaryn eske alý kúnine arnalǵan is-sharaǵa qatysady.