اقوردا پرەزيدەنت قاسىم-جومارت توقايەۆتىڭ وسى اپتاداعى جوسپارىن ايتتى، دەپ حابارلايدى Dalanews.kz.
اقوردا مالىمەتىنشە، وسى اپتادا استاناعا بىرىنەن سوڭ ءبىرى شەت مەملەكەتتىڭ باسشىلارى كەلەيىن دەپ جاتىر.
وسى رەتتە قاسىم-جومارت توقايەۆتىڭ جۇمىس كەستەسى وتە تىعىز.
28-29 مامىر كۇندەرى قازاقستانعا رۋاندا پرەزيدەنتى پول كاگامە رەسمي ساپارمەن كەلەدى.
28 مامىردا گەرمانيا فەدەراتيۆتىك رەسپۋبليكاسى بۋندەسراتىنىڭ ءتوراعاسى انكە رەلينگەرمەن كەزدەسۋ وتەدى.
28-29 مامىر كۇندەرى سولتۇستىك ماكەدونيا پرەزيدەنتى گوردانا سيليانوۆسكايا-داۆكوۆا جۇمىس ساپارىمەن كەلەدى.
28-29 مامىردا استاناعا حورۆاتيا پرەمەر-مينيسترى اندرەي پلەنكوۆيچ جۇمىس ساپارىمەن كەلەدى.
29 مامىر كۇنى پرەزيدەنت قاسىم-جومارت توقايەۆ استانا حالىقارالىق فورۋمىنا (AIF) قاتىسادى جانە رەسمي دەلەگاسيا جەتەكشىلەرىمەن، سونداي-اق حالىقارالىق ۇيىمدار مەن كومپانيالار باسشىلارىمەن ءبىرقاتار كەزدەسۋ وتكىزەدى.
30 مامىردا ەلىمىزگە يتاليا پرەمەر-مينيسترى دجوردجا مەلوني رەسمي ساپارمەن كەلەدى. سول كۇنى ايماقتاعى مەملەكەتتەر باسشىلارىنىڭ قاتىسۋىمەن ءبىرىنشى «ورتالىق ازيا – يتاليا» ءسامميتى وتەدى.
31 مامىردا پرەزيدەنت ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە ارنالعان ءىس-شاراعا قاتىسادى.
