Aýylsharýashylyǵy ministrligi 2024 jyly elimizde jinalǵan jemis-jidek pen kókónister kólemi ishki suranysty qanaǵattandyryp, tipti odan da asyp túsetinin de aitady, dep jazady Dalanews.kz.
Aýylsharýashylyǵy ministrligi baspasóz qyzmetiniń málimetinshe, biyl sharýalar 2,9 mln tonna kartop, 1,1 mln tonna piiaz, 498 myń tonna qyryqqabat, 474 myń tonna sábiz jinap aldy. Bul elimizdiń turǵyndarynyń qajettiligi deńgeiinen edáýir asyp túsedi. Bul rette Resei Federatsiiasy men Belarýs tarapynan 150 myń tonna kartop, 80 myń tonna piiaz, basqa da kókónister men almalardy kelisimshartpen alýǵa suranys bar.
"Biz el turǵyndarynyń suranysy kóleminen edáýir joǵary kókónis ónimderin jinadyq, kórshiles elderimizden, Reseiden jáne Belarýsten kókónisterge suranys bar. Bizdiń fermerlerge artyq ónimdi eksportqa ótkizýge múmkindik berý kerek. Aýyl sharýashylyǵy ministrligi ákimdikter deńgeiinde kelesi máseleni pysyqtaýy qajet: fermerler turaqtandyrý qorlaryndaǵy qordy qospaǵanda eksportqa qansha kókónis satýǵa jáne kelisimshart uiymdastyrýǵa daiyn", — dedi Serik Jumanǵarin.
Agrarly salasy bizge qaraǵanda áldeqaida myqty Reseide, shynymen de osy ónimder óndirisinde másele bar ma? Máselen,Reseide kartop tutynysy jylyna shamamen 8 million tonnadan nemese bir adamǵa orta eseppen 56 keliden keledi eken. Jergilikti BAQ málimetterinshe, 2024 jyly Resei Federatsiiasynda 14-15 million tonna kartop jinalǵan. Sarapshylar bul kólem Reseidiń ózin-ózi tolyq qamtamasyz etý úshin jetkilikti ekenin aitady. Al syrttan aldyrtýǵa kóktemdegi tuqymdyq assortimentin túrlendirý úshin qajet kórinedi.
