اۋىلشارۋاشىلىعى مينيسترلٸگٸ 2024 جىلى ەلٸمٸزدە جينالعان جەمٸس-جيدەك پەن كٶكٶنٸستەر كٶلەمٸ ٸشكٸ سۇرانىستى قاناعاتتاندىرىپ, تٸپتٸ ودان دا اسىپ تٷسەتٸنٸن دە ايتادى, دەپ جازادى Dalanews.kz.
اۋىلشارۋاشىلىعى مينيسترلٸگٸ باسپاسٶز قىزمەتٸنٸڭ مەلٸمەتٸنشە, بيىل شارۋالار 2,9 ملن توننا كارتوپ, 1,1 ملن توننا پيياز, 498 مىڭ توننا قىرىققابات, 474 مىڭ توننا سەبٸز جيناپ الدى. بۇل ەلٸمٸزدٸڭ تۇرعىندارىنىڭ قاجەتتٸلٸگٸ دەڭگەيٸنەن ەدەۋٸر اسىپ تٷسەدٸ. بۇل رەتتە رەسەي فەدەراتسيياسى مەن بەلارۋس تاراپىنان 150 مىڭ توننا كارتوپ, 80 مىڭ توننا پيياز, باسقا دا كٶكٶنٸستەر مەن المالاردى كەلٸسٸمشارتپەن الۋعا سۇرانىس بار.
"بٸز ەل تۇرعىندارىنىڭ سۇرانىسى كٶلەمٸنەن ەدەۋٸر جوعارى كٶكٶنٸس ٶنٸمدەرٸن جينادىق, كٶرشٸلەس ەلدەرٸمٸزدەن, رەسەيدەن جەنە بەلارۋستەن كٶكٶنٸستەرگە سۇرانىس بار. بٸزدٸڭ فەرمەرلەرگە ارتىق ٶنٸمدٸ ەكسپورتقا ٶتكٸزۋگە مٷمكٸندٸك بەرۋ كەرەك. اۋىل شارۋاشىلىعى مينيسترلٸگٸ ەكٸمدٸكتەر دەڭگەيٸندە كەلەسٸ مەسەلەنٸ پىسىقتاۋى قاجەت: فەرمەرلەر تۇراقتاندىرۋ قورلارىنداعى قوردى قوسپاعاندا ەكسپورتقا قانشا كٶكٶنٸس ساتۋعا جەنە كەلٸسٸمشارت ۇيىمداستىرۋعا دايىن", — دەدٸ سەرٸك جۇمانعارين.
اگرارلى سالاسى بٸزگە قاراعاندا ەلدەقايدا مىقتى رەسەيدە, شىنىمەن دە وسى ٶنٸمدەر ٶندٸرٸسٸندە مەسەلە بار ما? مەسەلەن,رەسەيدە كارتوپ تۇتىنىسى جىلىنا شامامەن 8 ميلليون توننادان نەمەسە بٸر ادامعا ورتا ەسەپپەن 56 كەلٸدەن كەلەدٸ ەكەن. جەرگٸلٸكتٸ باق مەلٸمەتتەرٸنشە, 2024 جىلى رەسەي فەدەراتسيياسىندا 14-15 ميلليون توننا كارتوپ جينالعان. ساراپشىلار بۇل كٶلەم رەسەيدٸڭ ٶزٸن-ٶزٸ تولىق قامتاماسىز ەتۋ ٷشٸن جەتكٸلٸكتٸ ەكەنٸن ايتادى. ال سىرتتان الدىرتۋعا كٶكتەمدەگٸ تۇقىمدىق اسسورتيمەنتٸن تٷرلەندٸرۋ ٷشٸن قاجەت كٶرٸنەدٸ.
