Qazaqstannyń iri bankteriniń birinde keleńsiz jait oryn aldy, dep habarlaidy Dalanews.kz.
Eýraziia bankiniń qyzmetkeri Saniia Shakenova jyl aiaǵy qýanyshty ári jaǵymsyz jańalyqpen bastalǵanyn jetkizdi. Aitýynsha, onyń júkti ekenin estigen basshylyq qýanyshyn sý sepkendei basqan.
“Men júkti ekenimdi bildim. Alaida Eurasian Bank basshylyǵy bul habardy estigen sátte, meni bir aptadan keiin jumystan shyǵarýǵa bel bailady. Bul ýaqytta júktilik merzimim 5-6 apta shamasynda edi. Osylaisha mán-jaidy anyqtaý úshin kadr bólimine bardym. Alaida olar jaýapkershilikti ózine alýǵa qorqyp, maǵan kómektesýden bas tartty” - deidi Saniia.
Sodan soń túsiniksiz jaǵdaidy naqtylaý úshin qyzmetker kadr bólimi jetekshisiniń kómegine júginedi. Ókinishke qarai, ol da kóńil kónshiterlik jaýap bermegen.
“Biz eshteńe istei almaimyz. Seni eshkim bul áreketke májbúrlemedi. Jáne sen júkti bolǵannan keiin jumystan shyǵaraiyn dep jatqan joq. Másele basqa jobada bolyp tur” - dep kadr jetekshisi de sózin qysqa qaiyrǵan.
Osylaisha Saniia óz erkimen jumystan shyǵýǵa májbúr bolǵan. Oǵan ótemaqy nemese basqa da qosymsha usynystar qarastyrylmaǵan. Tipti resmi jumystan shyǵyp qalǵandyqtan, áleýmettik kómek pen bala kútimi boiynsha tólemder de ala almaidy.
Jas kelinshek jumys ornynda qoiylatyn talapqa bailanysty birneshe maqalaǵa kóz júgirtip shyqqan. Mundai jaǵdaida zań qyzmetker quqyǵyn qorǵaidy. Alaida zań onyń jaǵyna shyǵatyn da bul kompaniiamen kúrese almaitynyn jetkizdi.
“Máselen, karantin ýaqytynda qyzmetinen bosatylǵan jumysshylarǵa jalaqy alý úshin basqa mindettegi jumystardy usynatyn. Mundai stresstik jaǵdaiǵa deiin jetkizbegen” - deidi Saniia.
Aita keteiik, “Eýraziialyq qarjy kompaniiasy” bankine Aleksandr Mashkevich tóraǵalyq etedi. Buǵan deiin saiasatker Bolat Ábilev áriptesimiz Boreikoǵa bergen suhbatynda milliarder Lakshmi Mittaldyń qazaq jerine Mashkevichtiń arqasynda 1995 jyly kúzde kelgenin jetkizgen bolatyn. Sol jyly Muhtar Jákishev ekeýin aýstriialyq Voestalpine (“Fest Alpine”) kompaniiasymen birge “Qarmetkombinattan” qýyp shyqqanyn da aitty.
“Qarmetkombinatty” kim basqara alady degen suraq týyndady. “Biliktegiler áýeli aqsha salyp, keiin jekeshelendirip alý úshin yńǵaily adam izdedi. Sebebi, qylyshyn súiretip qys kelip qalǵan. Mundai alyp kombinatty qysqa daiyndamasa, taǵy bolmaidy. Kenet, osy kezde Mittal paida boldy. Tipti, ony Qazaqstanǵa Aleksandr Mashkevich ertip kelgeni jáne joǵarydaǵylarmen jeke tanystyrǵany týraly aitylyp jatty”, – dedi B. Ábilov.
Sondai-aq, saiasatker 1998 jyly Ulybritaniiadaǵy VVS telekompaniiasynyń ókili Qazaqstanǵa kelip, ózine habarlasqanyn jetkizgen.
“Qarmetkombinatty” eki apta basqarǵan ekensiz? Biz sizdi ol jaqtan qandai sebepke qatysty qýyp shyqqanyn bilemiz...” degen qyzyq nárseniń shetin shyǵardy.
Mittal myrza VVS-ge bergen suhbatynda Qazaqstanǵa qalai tap bolǵanyn táptishtei kele, ózin Mashkevich shaqyrǵanyn moiyndaǵan. “Qazaqstanǵa ”kirý” úshin aqsha berdińiz be?” degen tikelei saýalǵa Mittal “Iá, “komissiondyq” negizde 100 mln AQSh dollaryn berip jiberdim” dep jaýap beripti” dep taǵy bir shyndyqtyń betin ashty.
Demek, Mittal 100 mln dollardy Mashkevichke, al ol muny joǵaryda otyrǵandarǵa úlestirgen.
Ókinishtisi, “Qarmetkombinattyń” quny kemi 2 mlrd dollarǵa baǵalanǵanymen, Mittal ony bar-joǵy 220 mln dollarǵa satyp aldy. Onda da qarjyny birden emes, kombinattyń ónimnen túsken paidamen eseptesti.
Salystyrmaly túrde aitsaq, Mittal Ýkrainadaǵy dál osyndai zaýytqa 5 mlrd dollar tólep qol jetkizgen bolatyn.
https://dalanews.kz/saraptama/98022-rerikh-dariganyng-aiagyna-zhygylyp-keshir
