قازاقستاننىڭ ءىرى بانكتەرىنىڭ بىرىندە كەلەڭسىز جايت ورىن الدى، دەپ حابارلايدى Dalanews.kz.

ەۋرازيا بانكىنىڭ قىزمەتكەرى سانيا شاكەنوۆا جىل اياعى قۋانىشتى ءارى جاعىمسىز جاڭالىقپەن باستالعانىن جەتكىزدى. ايتۋىنشا، ونىڭ جۇكتى ەكەنىن ەستىگەن باسشىلىق قۋانىشىن سۋ سەپكەندەي باسقان.

“مەن جۇكتى ەكەنىمدى ءبىلدىم. الايدا Eurasian Bank باسشىلىعى بۇل حاباردى ەستىگەن ساتتە، مەنى ءبىر اپتادان كەيىن جۇمىستان شىعارۋعا بەل بايلادى. بۇل ۋاقىتتا جۇكتىلىك مەرزىمىم 5-6 اپتا شاماسىندا ەدى. وسىلايشا ءمان-جايدى انىقتاۋ ءۇشىن كادر بولىمىنە باردىم. الايدا ولار جاۋاپكەرشىلىكتى وزىنە الۋعا قورقىپ، ماعان كومەكتەسۋدەن باس تارتتى” - دەيدى سانيا.

سودان سوڭ تۇسىنىكسىز جاعدايدى ناقتىلاۋ ءۇشىن قىزمەتكەر كادر ءبولىمى جەتەكشىسىنىڭ كومەگىنە جۇگىنەدى. وكىنىشكە قاراي، ول دا كوڭىل كونشىتەرلىك جاۋاپ بەرمەگەن.

“ءبىز ەشتەڭە ىستەي المايمىز. سەنى ەشكىم بۇل ارەكەتكە ماجبۇرلەمەدى. جانە سەن جۇكتى بولعاننان كەيىن جۇمىستان شىعارايىن دەپ جاتقان جوق. ماسەلە باسقا جوبادا بولىپ تۇر” - دەپ كادر جەتەكشىسى دە ءسوزىن قىسقا قايىرعان.

وسىلايشا سانيا ءوز ەركىمەن جۇمىستان شىعۋعا ءماجبۇر بولعان. وعان وتەماقى نەمەسە باسقا دا قوسىمشا ۇسىنىستار قاراستىرىلماعان. ءتىپتى رەسمي جۇمىستان شىعىپ قالعاندىقتان، الەۋمەتتىك كومەك پەن بالا كۇتىمى بويىنشا تولەمدەر دە الا المايدى.

جاس كەلىنشەك جۇمىس ورنىندا قويىلاتىن تالاپقا بايلانىستى بىرنەشە ماقالاعا كوز جۇگىرتىپ شىققان. مۇنداي جاعدايدا زاڭ قىزمەتكەر قۇقىعىن قورعايدى. الايدا زاڭ ونىڭ جاعىنا شىعاتىن دا بۇل كومپانيامەن كۇرەسە المايتىنىن جەتكىزدى.

“ماسەلەن، كارانتين ۋاقىتىندا قىزمەتىنەن بوساتىلعان جۇمىسشىلارعا جالاقى الۋ ءۇشىن باسقا مىندەتتەگى جۇمىستاردى ۇسىناتىن. مۇنداي سترەسستىك جاعدايعا دەيىن جەتكىزبەگەن” - دەيدى سانيا.

ايتا كەتەيىك، “ەۋرازيالىق قارجى كومپانياسى” بانكىنە الەكساندر ماشكيەۆيچ ءتوراعالىق ەتەدى. بۇعان دەيىن ساياساتكەر بولات ابىليەۆ ارىپتەسىمىز بورەيكوعا بەرگەن سۇحباتىندا ميللياردەر لاكشمي ميتتالدىڭ قازاق جەرىنە ماشكيەۆيچتىڭ ارقاسىندا 1995 جىلى كۇزدە كەلگەنىن جەتكىزگەن بولاتىن. سول جىلى مۇحتار جاكىشيەۆ ەكەۋىن اۋستريالىق Voestalpine (“فەست الپينە”) كومپانياسىمەن بىرگە “قارمەتكومبيناتتان” قۋىپ شىققانىن دا ايتتى.

“قارمەتكومبيناتتى” كىم باسقارا الادى دەگەن سۇراق تۋىندادى. “بيلىكتەگىلەر اۋەلى اقشا سالىپ، كەيىن جەكەشەلەندىرىپ الۋ ءۇشىن ىڭعايلى ادام ىزدەدى. سەبەبى، قىلىشىن سۇيرەتىپ قىس كەلىپ قالعان. مۇنداي الىپ كومبيناتتى قىسقا دايىنداماسا، تاعى بولمايدى. كەنەت، وسى كەزدە ميتتال پايدا بولدى. ءتىپتى، ونى قازاقستانعا الەكساندر ماشكيەۆيچ ەرتىپ كەلگەنى جانە جوعارىداعىلارمەن جەكە تانىستىرعانى تۋرالى ايتىلىپ جاتتى”، – دەدى ب. ءابىلوۆ.

سونداي-اق، ساياساتكەر 1998 جىلى ۇلىبريتانياداعى ۆۆس تەلەكومپانياسىنىڭ وكىلى قازاقستانعا كەلىپ، وزىنە حابارلاسقانىن جەتكىزگەن.

“قارمەتكومبيناتتى” ەكى اپتا باسقارعان ەكەنسىز؟ ءبىز ءسىزدى ول جاقتان قانداي سەبەپكە قاتىستى قۋىپ شىققانىن بىلەمىز...” دەگەن قىزىق نارسەنىڭ شەتىن شىعاردى.

ميتتال مىرزا ۆۆس-گە بەرگەن سۇحباتىندا قازاقستانعا قالاي تاپ بولعانىن تاپتىشتەي كەلە، ءوزىن ماشكيەۆيچ شاقىرعانىن مويىنداعان. “قازاقستانعا ”كىرۋ” ءۇشىن اقشا بەردىڭىز بە؟” دەگەن تىكەلەي ساۋالعا ميتتال “ءيا، “كوميسسيوندىق” نەگىزدە 100 ملن اقش دوللارىن بەرىپ جىبەردىم” دەپ جاۋاپ بەرىپتى” دەپ تاعى ءبىر شىندىقتىڭ بەتىن اشتى.

دەمەك، ميتتال 100 ملن دوللاردى ماشكيەۆيچكە، ال ول مۇنى جوعارىدا وتىرعاندارعا ۇلەستىرگەن.

وكىنىشتىسى، “قارمەتكومبيناتتىڭ” قۇنى كەمى 2 ملرد دوللارعا باعالانعانىمەن، ميتتال ونى بار-جوعى 220 ملن دوللارعا ساتىپ الدى. وندا دا قارجىنى بىردەن ەمەس، كومبيناتتىڭ ونىمنەن تۇسكەن پايدامەن ەسەپتەستى.

سالىستىرمالى تۇردە ايتساق، ميتتال ۋكرايناداعى ءدال وسىنداي زاۋىتقا 5 ملرد دوللار تولەپ قول جەتكىزگەن بولاتىن.