"Joq adamǵa jalaqy aýdarǵan". Jambyl oblysynda bildei basqarma basshysy ustaldy
Jambyl oblysynyń Sybailas jemqorlyqqa qarsy qyzmeti sybailas jemqorlyq qylmysyn jasady degen kúdikpen "Jambyl oblysy ákimdiginiń kásipkerlik jáne indýstrialdy-innovatsiialyq damý basqarmasy" memlekettik mekemesiniń basshysy Jeńis Sarievke qatysty sotqa deiingi tergeýdi bastady, dep habarlaidy Dalanews.kz.
Ol kórsetilmegen qyzmet úshin jeke kásipkerlik arqyly júieli túrde qarjyny aýdaryp, keiin ony qolma-qol aqshaǵa aýystyrý arqyly, sondai-aq is júzinde jumys istemegen tulǵaǵa jalaqyny zańsyz esepteý jáne tóleý arqyly biýdjet qarajatyn jymqyrdy dep kúdikke ilindi.
Aǵymdaǵy jyldyń 1 aqpanynda 45 jastaǵy kúdiktige qatysty qamaýǵa alý túrindegi bultartpaý sharasyna sanktsiia berildi. Jeńis Sariev osy qyzmetke 2019 jyldyń 24 shildesinde taǵaiyndalǵan bolatyn
Kúdiktiniń kinálilik dárejesin anyqtaityn túpkilikti sheshimdi sot qabyldaidy.
