Жамбыл облысының Сыбайлас жемқорлыққа қарсы қызметі сыбайлас жемқорлық қылмысын жасады деген күдікпен "Жамбыл облысы әкімдігінің кәсіпкерлік және индустриалды-инновациялық даму басқармасы" мемлекеттік мекемесінің басшысы Жеңіс Сариевке қатысты сотқа дейінгі тергеуді бастады, деп хабарлайды Dalanews.kz.
Ол көрсетілмеген қызмет үшін жеке кәсіпкерлік арқылы жүйелі түрде қаржыны аударып, кейін оны қолма-қол ақшаға ауыстыру арқылы, сондай-ақ іс жүзінде жұмыс істемеген тұлғаға жалақыны заңсыз есептеу және төлеу арқылы бюджет қаражатын жымқырды деп күдікке ілінді.
Ағымдағы жылдың 1 ақпанында 45 жастағы күдіктіге қатысты қамауға алу түріндегі бұлтартпау шарасына санкция берілді. Жеңіс Сариев осы қызметке 2019 жылдың 24 шілдесінде тағайындалған болатын
Күдіктінің кінәлілік дәрежесін анықтайтын түпкілікті шешімді сот қабылдайды.
