جامبىل وبلىسىنىڭ سىبايلاس جەمقورلىققا قارسى قىزمەتى سىبايلاس جەمقورلىق قىلمىسىن جاسادى دەگەن كۇدىكپەن "جامبىل وبلىسى اكىمدىگىنىڭ كاسىپكەرلىك جانە يندۋستريالدى-يننوۆاسيالىق دامۋ باسقارماسى" مەملەكەتتىك مەكەمەسىنىڭ باسشىسى جەڭىس سارييەۆكە قاتىستى سوتقا دەيىنگى تەرگەۋدى باستادى، دەپ حابارلايدى Dalanews.kz.
ول كورسەتىلمەگەن قىزمەت ءۇشىن جەكە كاسىپكەرلىك ارقىلى جۇيەلى تۇردە قارجىنى اۋدارىپ، كەيىن ونى قولما-قول اقشاعا اۋىستىرۋ ارقىلى، سونداي-اق ءىس جۇزىندە جۇمىس ىستەمەگەن تۇلعاعا جالاقىنى زاڭسىز ەسەپتەۋ جانە تولەۋ ارقىلى بيۋدجەت قاراجاتىن جىمقىردى دەپ كۇدىككە ءىلىندى.
اعىمداعى جىلدىڭ 1 اقپانىندا 45 جاستاعى كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسىنا سانكسيا بەرىلدى. جەڭىس سارييەۆ وسى قىزمەتكە 2019 جىلدىڭ 24 شىلدەسىندە تاعايىندالعان بولاتىن
كۇدىكتىنىڭ كىنالىلىك دارەجەسىن انىقتايتىن تۇپكىلىكتى شەشىمدى سوت قابىلدايدى.
