Elordada júzege asyp jatqan aýqymdy JOLTAP jobasynyń arqasynda qala turǵyndary jumys taýyp, turmystyq jaǵdaiyn jaqsartyp, jańa mamandyqty igerýde. Joba aiasynda 2 myńnan astam jumyssyz astanalyq tegin qysqa merzimdi kýrstardan ótti, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Joba menedjeri Erasyl Dildaiym aityp ótkendei, JOLTAP elordanyń jumyssyz turǵyndaryn jumyspen qamtý sharalarymen, atap aitqanda, qysqa merzimdi oqytý jáne jumyspen qamtý sharalarymen qamtý boiynsha óziniń tiimdiligin kórsetti.
– Jobaǵa qatsýyshylar negizinen NEET sanatyndaǵy jastary, jumyssyzdar men kelýshiler bolyp tabylady. Bizdiń oqytýshylardyń tájiribesi zor. Oqý synyptary barlyq qajetti zattarmen jabdyqtalǵan. Al kýrstarǵa jazylý úshin bizdiń modýldik pýnktterimizge baryp, aqparat alýyna bolady, – dep atap ótti menedjer.
Joba elorda ákimdiginiń mańyzdy bastamamalarynyń biri bolyp sanalady. Birlesken operator – «Jańa kúmis» qoǵamdyq qory.
JOLTAP jobasyna qatysýshylar qysqa merzimdi oqytý baǵdarlamalaryna qatysyp barista, satýshy-kassir, ámbebap tamaqtaný qyzmetkeri, tiginshi, dizainer, elektr gazben dánekerleýshi, tsifrlyq daǵdylar – target, SMM, beinemontaj, marketpleis, mobilografiia, grafikalyq dizain, veb-dizain, negizgi tsifrlyq daǵdylardy meńgeredi.
Qatysýshylardyń tańdaýyna 14 mamandyq usynylǵan, al oqytý baǵdarlamalary eńbek naryǵynyń suranystaryna súienip, daiyndalǵan. Sonymen qatar mamandyqqa bailanysty 2 aptadan 1 aiǵa deiin qysqa merzimde praktikalyq daǵdylardan ótý de kózdelgen.
– Munda biz baristanyń negizgi kýrstaryn úiretemiz. Buǵan klassikalyq espresso, kapýchino, latte, amerikano kofesin daiyndaý kiredi. Biz barmen bolyp jumysqa ornalasýǵa kelgen adamnyń mamandyqtyń negizgi daǵdylaryna ie bolýy úshin bilim beremiz, al jumys barysynda ol óz sheberligin tereńdetedi, – dep atap ótti ol.
Osy kýrstardyń kómegimen siz mamandyqty túbegeili ózgerte alasyz. Dáriger Gúlmira Ismailova osylai kýrstardan ótip, ózin shyǵarmashylyq jumysta synap kórýge bel býǵan. Ol tigin kýrstaryn tańdap, bolashaqta kiim dizaineri bolýdy armandaidy.
– Maǵan atmosfera óte unaidy. Muǵalimderdiń joǵary deńgeii tań qaldyrady, olar bárin egjei-tegjeili túsindiredi. Ýaqyt múmkindiginshe tiimdi ótkizýdemiz. Osy eki saǵatta sabaqtyń teoriialyq bóligin igerip, ony is júzinde qoldana alamyz, – dedi joba oqýshysy.
Aita ketý kerek, joba kezeńinde birqatar túlekter óz isin ashý úshin memlekettik granttar men shaǵyn nesieler alǵan. Sondai-aq biznesti ilgeriletý úshin qajetti tsifrlyq daǵdylaryn da igergenin aita ketýimiz kerek. Al biznes-jobalar ártúrli-kishkentai kofehanalardan bastap, úidegi dúkenderdi ashýdy kózdeidi.
Joltap modýldik núkteleriniń mekenjailary:
- «Mechta» SÚ, Syǵanaq kóshesi, 3b;
- «Asia Park» SOO, Qabanbai batyr dańǵyly, 21a;
- «Rahmet» SÚ, N. Tilendiev dańǵyly, 15 jáne B. Momyshuly dańǵyly;
- «Vstrecha» SÚ, Abylai han dańǵyly, 31a;
- «Tulpar» SÚ, Sh. Ýálihanov kóshesi, 24v;
- «Euromall» SO, Qosshyǵululy kóshesi, 23;
- «Jastar» saraiy, Respýblika dańǵyly, 34b;
- «Ailand» SOO, Qorǵaljyn tas joly, 2 / 1a;
- «Januia» otbasy institýtyn qoldaý ortalyǵy, Beibitshilik kóshesi, 14;
- Eńbek utqyrlyǵy ortalyǵy, Beibitshilik kóshesi, 9;
- «Almaty» KK, Imanov kóshesi, 19;
- «Álem» SO, Bógenbai batyr dańǵyly, 62.
