JOLTAP جوباسى استانالىقتاردىڭ جۇمىسقا تۇرىپ، تۇرمىستىق جاعدايىن جاقسارتۋعا سەپتەسۋدە

جاربول كەنت ۇلى 09 ءساۋ. 2024 10:25 1287

ەلوردادا جۇزەگە اسىپ جاتقان اۋقىمدى JOLTAP جوباسىنىڭ ارقاسىندا قالا تۇرعىندارى جۇمىس تاۋىپ، تۇرمىستىق جاعدايىن جاقسارتىپ، جاڭا ماماندىقتى يگەرۋدە. جوبا اياسىندا 2 مىڭنان استام جۇمىسسىز استانالىق تەگىن قىسقا مەرزىمدى كۋرستاردان ءوتتى، – دەپ حابارلايدى Dalanews.kz استانا قالاسى اكىمىنىڭ باسپا ءسوز قىزمەتىنە سىلتەمە جاساپ.

جوبا مەنەدجەرى ەراسىل ءدىلدايىم ايتىپ وتكەندەي، JOLTAP ەلوردانىڭ جۇمىسسىز تۇرعىندارىن جۇمىسپەن قامتۋ شارالارىمەن، اتاپ ايتقاندا، قىسقا مەرزىمدى وقىتۋ جانە جۇمىسپەن قامتۋ شارالارىمەن قامتۋ بويىنشا ءوزىنىڭ تيىمدىلىگىن كورسەتتى.

– جوباعا قاتسۋىشىلار نەگىزىنەن NEET ساناتىنداعى جاستارى، جۇمىسسىزدار مەن كەلۋشىلەر بولىپ تابىلادى. ءبىزدىڭ وقىتۋشىلاردىڭ تاجىريبەسى زور.  وقۋ سىنىپتارى بارلىق قاجەتتى زاتتارمەن جابدىقتالعان. ال كۋرستارعا جازىلۋ ءۇشىن ءبىزدىڭ مودۋلدىك پۋنكتتەرىمىزگە بارىپ، اقپارات الۋىنا بولادى، – دەپ اتاپ ءوتتى مەنەدجەر.

جوبا ەلوردا اكىمدىگىنىڭ ماڭىزدى باستامامالارىنىڭ ءبىرى بولىپ سانالادى. بىرلەسكەن وپەراتور – «جاڭا كۇمىس» قوعامدىق قورى.

JOLTAP جوباسىنا قاتىسۋشىلار قىسقا مەرزىمدى وقىتۋ باعدارلامالارىنا قاتىسىپ باريستا، ساتۋشى-كاسسير، امبەباپ تاماقتانۋ قىزمەتكەرى، تىگىنشى، ديزاينەر، ەلەكتر گازبەن دانەكەرلەۋشى، سيفرلىق داعدىلار – تارگەت، SMM، بەينەمونتاج، ماركەتپلەيس، موبيلوگرافيا، گرافيكالىق ديزاين، ۆەب-ديزاين، نەگىزگى سيفرلىق داعدىلاردى مەڭگەرەدى.

قاتىسۋشىلاردىڭ تاڭداۋىنا 14 ماماندىق ۇسىنىلعان، ال وقىتۋ باعدارلامالارى ەڭبەك نارىعىنىڭ سۇرانىستارىنا سۇيەنىپ، دايىندالعان. سونىمەن قاتار ماماندىققا بايلانىستى 2 اپتادان 1 ايعا دەيىن قىسقا مەرزىمدە پراكتيكالىق داعدىلاردان ءوتۋ دە كوزدەلگەن.

قىسقا مەرزىمدى باريستا كۋرستارىنىڭ وقىتۋشىسى تۇرار ءىلياس بۇل ماماندىقتى ۇيرەنگىسى كەلەتىندەر كوپ ەكەنىن ايتادى.

– مۇندا ءبىز باريستانىڭ نەگىزگى كۋرستارىن ۇيرەتەمىز. بۇعان كلاسسيكالىق ەسپرەسسو، كاپۋچينو، لاتتە، امەريكانو كوفەسىن دايىنداۋ كىرەدى. ءبىز بارمەن بولىپ جۇمىسقا ورنالاسۋعا كەلگەن ادامنىڭ ماماندىقتىڭ نەگىزگى داعدىلارىنا يە بولۋى ءۇشىن ءبىلىم بەرەمىز، ال جۇمىس بارىسىندا ول ءوز شەبەرلىگىن تەرەڭدەتەدى، – دەپ اتاپ ءوتتى ول.

وسى كۋرستاردىڭ كومەگىمەن ءسىز ماماندىقتى تۇبەگەيلى وزگەرتە الاسىز. دارىگەر گۇلميرا يسمايلوۆا وسىلاي كۋرستاردان ءوتىپ، ءوزىن شىعارماشىلىق جۇمىستا سىناپ كورۋگە بەل بۋعان. ول تىگىن كۋرستارىن تاڭداپ، بولاشاقتا كيىم ديزاينەرى بولۋدى ارماندايدى.

– ماعان اتموسفەرا وتە ۇنايدى. مۇعالىمدەردىڭ جوعارى دەڭگەيى تاڭ قالدىرادى، ولار ءبارىن ەگجەي-تەگجەيلى تۇسىندىرەدى. ۋاقىت مۇمكىندىگىنشە ءتيىمدى وتكىزۋدەمىز. وسى ەكى ساعاتتا ساباقتىڭ تەوريالىق بولىگىن يگەرىپ، ونى ءىس جۇزىندە قولدانا الامىز، – دەدى جوبا وقۋشىسى.

ايتا كەتۋ كەرەك، جوبا كەزەڭىندە ءبىرقاتار تۇلەكتەر ءوز ءىسىن اشۋ ءۇشىن مەملەكەتتىك گرانتتار مەن شاعىن نەسيەلەر العان. سونداي-اق بيزنەستى ىلگەرىلەتۋ ءۇشىن قاجەتتى سيفرلىق داعدىلارىن دا يگەرگەنىن ايتا كەتۋىمىز كەرەك. ال بيزنەس-جوبالار ارتۇرلى-كىشكەنتاي كوفەحانالاردان باستاپ، ۇيدەگى دۇكەندەردى اشۋدى كوزدەيدى.

Joltap مودۋلدىك نۇكتەلەرىنىڭ مەكەنجايلارى:

- «مەچتا» ءسۇ، سىعاناق كوشەسى، 3ب؛

- «Asia Park» سوو، قابانباي باتىر داڭعىلى، 21ا؛

- «راحمەت» ءسۇ، ن. تىلەندييەۆ داڭعىلى، 15 جانە ب. مومىش ۇلى داڭعىلى؛

- «ۆسترەچا» ءسۇ، ابىلاي حان داڭعىلى، 31ا؛

- «تۇلپار» ءسۇ، ش. ءۋاليحانوۆ كوشەسى، 24ۆ؛

- «Euromall» سو، قوسشىعۇل ۇلى كوشەسى، 23؛

- «جاستار» سارايى، رەسپۋبليكا داڭعىلى، 34ب؛

-  «Ailand» سوو، قورعالجىن تاس جولى، 2 / 1ا؛

- «جانۇيا» وتباسى ينستيتۋتىن قولداۋ ورتالىعى، بەيبىتشىلىك كوشەسى، 14؛

- ەڭبەك ۇتقىرلىعى ورتالىعى، بەيبىتشىلىك كوشەسى، 9؛

- «الماتى» كك، يمانوۆ كوشەسى، 19؛

- «الەم» سو، بوگەنباي باتىر داڭعىلى، 62.

 


ۇسىنىلعان
سوڭعى جاڭالىقتار