Qalalyq Jastar ortalyǵynda ótken jıynǵa oblystyq qurylys basqarmasy basshysynyń orynbasary Ǵalymjan Tólegenov, Túrkologıa ǵylymı ortalyǵy dırektorynyń orynbasary Nurlan Mansurov qatysyp, Elbasynyń joldaýyndaǵy aıqyn basymdyqtardy túsindirdi.
«Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýda memleket basshysy memlekettiń ishki jáne syrtqy saıasatynyń negizgi vektorlary men baǵyttaryn, eldiń aǵymdaǵy qoǵamdyq-saıası, áleýmettik-ekonomıkalyq ahýalyn, sondaı-aq álemdegi geosaıası, geoekonomıkalyq jaǵdaıdy taldaı otyryp halyqtyń ál-aýqatyn odan ári arttyrý sharalaryn aıqyndap berdi.
– Joldaý qoǵamnyń ekonomıkalyq, áleýmettik salalaryn qamtyp, qarapaıym turǵyndardyń ál-aýqatyn arttyrýǵa baǵyttalǵan. Mańyzdy qujatta Prezıdent joǵary bilim berý isinde oqý oryndarynyń maman daıyndaý sapasyna qatysty talaptar kúsheıtiletinin tilge tıek etti. Elbasynyń belgilep bergen tapsyrmasy arqyly qazyna túsimi artyp, sol boıynsha jalaqy kóbeıedi. Bilim berýdiń sapasy artyp, densaýlyq salasyna basa kóńil bólinetin bolady. Sondaı-aq, baspananyń qoljetimdiligi, eń tómengi jalaqynyń 1,5 esege artýy sekildi birqatar jumystar atqarylmaq. Munyń bári halyqtyń turmys deńgeıi men ál-aýqatynyń artýyna tolyq negiz bolady, – dedi Ǵalymjan Tólegenov.
Joldaýda belgilengen baǵyttardy óńirimizde iske asyrý boıynsha naqty is-sharalar men mindetter aıqyndalyp júzege asyrylatyn bolady.
Jıynda sóz alǵan jastar «Elbasy Joldaýynda atap kórsetilgen máselelerdi negizge ala otyryp, oblystyń áleýmettik-ekonomıkalyq damýy jáne saıası turaqtylyqty, halyqtyń ál-aýqatyn arttyrýdy qamtamasyz etýge bar kúsh-qaıratymyzdy jumsaıtyn bolamyz», – dep qoldaý bildirdi.
Stýdentterdiń qoıǵan suraqtaryna sala mamandary keń kólemde jaýap berdi.
«Dalanews» aqparat
