قالالىق جاستار ورتالىعىندا وتكەن جيىنعا وبلىستىق قۇرىلىس باسقارماسى باسشىسىنىڭ ورىنباسارى عالىمجان تولەگەنوۆ، تۇركولوگيا عىلىمي ورتالىعى ديرەكتورىنىڭ ورىنباسارى نۇرلان مانسۇروۆ قاتىسىپ، ەلباسىنىڭ جولداۋىنداعى ايقىن باسىمدىقتاردى ءتۇسىندىردى.
«قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋدا مەملەكەت باسشىسى مەملەكەتتىڭ ىشكى جانە سىرتقى ساياساتىنىڭ نەگىزگى ۆەكتورلارى مەن باعىتتارىن، ەلدىڭ اعىمداعى قوعامدىق-ساياسي، الەۋمەتتىك-ەكونوميكالىق احۋالىن، سونداي-اق الەمدەگى گەوساياسي، گەوەكونوميكالىق جاعدايدى تالداي وتىرىپ حالىقتىڭ ءال-اۋقاتىن ودان ءارى ارتتىرۋ شارالارىن ايقىنداپ بەردى.
– جولداۋ قوعامنىڭ ەكونوميكالىق، الەۋمەتتىك سالالارىن قامتىپ، قاراپايىم تۇرعىنداردىڭ ءال-اۋقاتىن ارتتىرۋعا باعىتتالعان. ماڭىزدى قۇجاتتا پرەزيدەنت جوعارى ءبىلىم بەرۋ ىسىندە وقۋ ورىندارىنىڭ مامان دايىنداۋ ساپاسىنا قاتىستى تالاپتار كۇشەيتىلەتىنىن تىلگە تيەك ەتتى. ەلباسىنىڭ بەلگىلەپ بەرگەن تاپسىرماسى ارقىلى قازىنا ءتۇسىمى ارتىپ، سول بويىنشا جالاقى كوبەيەدى. ءبىلىم بەرۋدىڭ ساپاسى ارتىپ، دەنساۋلىق سالاسىنا باسا كوڭىل بولىنەتىن بولادى. سونداي-اق، باسپانانىڭ قولجەتىمدىلىگى، ەڭ تومەنگى جالاقىنىڭ 1،5 ەسەگە ارتۋى سەكىلدى ءبىرقاتار جۇمىستار اتقارىلماق. مۇنىڭ ءبارى حالىقتىڭ تۇرمىس دەڭگەيى مەن ءال-اۋقاتىنىڭ ارتۋىنا تولىق نەگىز بولادى، – دەدى عالىمجان تولەگەنوۆ.
جولداۋدا بەلگىلەنگەن باعىتتاردى وڭىرىمىزدە ىسكە اسىرۋ بويىنشا ناقتى ءىس-شارالار مەن مىندەتتەر ايقىندالىپ جۇزەگە اسىرىلاتىن بولادى.
جيىندا ءسوز العان جاستار «ەلباسى جولداۋىندا اتاپ كورسەتىلگەن ماسەلەلەردى نەگىزگە الا وتىرىپ، وبلىستىڭ الەۋمەتتىك-ەكونوميكالىق دامۋى جانە ساياسي تۇراقتىلىقتى، حالىقتىڭ ءال-اۋقاتىن ارتتىرۋدى قامتاماسىز ەتۋگە بار كۇش-قايراتىمىزدى جۇمسايتىن بولامىز»، – دەپ قولداۋ ءبىلدىردى.
ستۋدەنتتەردىڭ قويعان سۇراقتارىنا سالا ماماندارى كەڭ كولەمدە جاۋاپ بەردى.
«Dalanews» اقپارات
