Jol-kólik oqiǵalarynyń týyndaýynyń tejeýshi faktory retinde búgingi tańda Túrkistan turǵyndary arasynda profilaktikalyq jumystar júrgizilip jatyr.
Aita ketelik budan buryn Túrkistan qalasynda Ǵaziz Baitasov atyndaǵy jol qozǵalysy jas inspektorlarynyń 18-shi oblystyq sleti ótkizilgen bolatyn. Jas inspektorlar qozǵalysy toptarynyń qyzmetin jetildirý, sonymen qatar, balalardyń jol-kólik jaraqatynyń aldyn-alý jumysyn jandandyrý maqsatynda IID Jergilikti politsiia qyzmeti, Bilim basqarmasy jáne «Qyzyl Jarty Ai» qoǵamynyń ókildikteri men oblystyń QJI-nyń qalalyq jáne aýdandyq jeńimpazdary qatysqan edi.
Túrkistan oblystyq IID Memlekettik til jáne aqparat basqarmasynyń habarlaýynsha mundai sharalar aldaǵy ýaqytta da ótkiziletin bolady.
Mundai óńirlik sletti ótkizýdiń basty maqsaty — joldaǵy balalar jaraqatynyń aldyn alý, balalarmen jasóspirimder arasynda Jol qozǵalysy erejelerin saqtaýdy nasihattaý bolyp tabylatyn jol qozǵalysy jas inspektorlarynyń mekteptegi toptarynyń qyzmetin uiymdastyrýǵa baǵyttalǵan.
Sletke qatysýshylar saptyq baiqaý, jol qozǵalysy erejesiniń belgileri, velosipedti mánerlep júrgizý, jas retteýshi, jas sanitar, úgit- nasihat toptarynyń baiqaýy, tapqyrlar (erýditter) týrniri, «Ashyq úzilis» baiqaýy baǵyttary boiynsha synǵa túsetin bolady.
Osynyń aldyndaǵy baiqaýda 1-shi oryndy Túrkistan qalasy №24 jalpy orta mektep oqýshylarynan quralǵan «Jasulan» komandasy ielengen. Al, 2-shi orynǵa Túlkibas aýdany B.Sydykov atyndaǵy jalpy orta mekteptiń «Jasulan» komandasy ie bolǵan.
