Joǵymyzdy túgendep, barymyzdy qadirleiik
Jalpy maqala oqyrmanǵa jeńil ári túsinikti jazylǵan. Maǵan unaǵany - Elbasynyń jylqy men ań stili týraly aitqandary. Elimizdiń Tuńǵysh Prezidenti maqalada: «Bizdiń ata-babalarymyz qorshaǵan ortamen etene ómir súrip, ózderin tabiǵattyń ajyramas bólshegi sanaǵan. Bul basty turmys qaǵidaty Uly dalany mekendegen halyqtardyń dúnietanymy men qundylyqtaryn qalyptastyrdy. Óz jazýy men mifologiiasy bar Qazaqstannyń ejelgi turǵyndarynyń ozyq mádenieti boldy. Olardyń murasynyń jarqyn kórinisi, kórkem bolmysy men rýhani bailyǵynyń aishyqty belgisi – «ań stili óneri», - dedi.
Bizdiń ata-babalarymyz jan-janýarlardyń tilin, túsinigin tereń meńgergen. Tipti adam esimin qoiarda da ańnyń qadyr-qasietin, minez-qulqyn, bitim-bolmysyn tereń meńgergeni baiqalyp turady. Bul úrdis áli kúnge jarasymdy jalǵasyn taýyp keledi. Buǵan dálel kók týymyzdaǵy qyran qustyń beinesi. Samuryqtyń uiasy sanalǵan – Báiterek uǵymy da osy úrdistiń úzilmes jalǵasy ekeni daýsyz. Sońǵy jyldary «Qazaqstan barysy» degen túsinik qalyptasty. Bul beldi balýandarymyzǵa beriletin ataq-dárejege ainaldy. Mine, munyń bári tegin emes.
Jalpy maqalada tarihymyzdy jańǵyrtý, nasihattaý, keleshek urpaqqa ónege ete bilý máselesi de oryndy sóz bolǵan. Endigi mindet – osy bastamalardy qoldap, qýattap, iske asyrý. Bul rette negizgi senim bilimdi de, bastamashyl jastarǵa júktelip otyr. Endeshe, barsha jastardy qazaq halqynyń tarihyn nasihattap, joǵyn túgendep, baryn qadirlei bileýge shaqyrǵan bolar edim.
Rústem Namattýlaev, jeke kásipker, Jetisai aýdanynyń turǵyny
