Atalǵan nysan – halyq kóp júretin qala ortalyǵynda ashyldy. Endi oblys turǵyndary keńsege toqtap, elektrondy túrde aryz-shaǵymyn tirketip, tıisti jaýabyn ala alady.
Qonaqtardy qoǵamdyq qabyldaý keńsesimen «Nur Otan» partıanyń oblystyq fılıaly Tóraǵasynyń birinshi orynbasary Beısen Tájibaev tanystyryp, atqarylyp jatqan jumystardy baıandady.
«Nur Otan» partıasynyń tóraǵasy Nursultan Nazarbaev «Nur Otan» partıasy Saıası Keńesiniń keńeıtilgen otyrysynda «Senim. Dıalog. Bolashaqqa nyq qadam» – «Nur Otan» partıasynyń 7 serpini» atty partıa jumysyn júıeli jańǵyrtý baǵdarlamasyn usynǵan bolatyn. Osy oraıda, Qoǵamdyq qabyldaý turǵyndardyń sheshimin tappaǵan máselelerin sheshýge atsalyspaq.
Aıta keteıik, mundaı formattaǵy qabyldaý oblys basshysy Ó. Shókeevtiń bastamasymen Túrkistanda ashylyp otyr.
Qoǵamdyq qabyldaýdyń tynys-tirshiligimen tanysqan Joǵary Sot Tóraǵasy bul bastamaǵa rızashylyǵyn bildirdi.
Jalpy, keńse ashylǵan on kúnde qoǵamdyq qabyldaýǵa 184 azamat ótinish bildirgen.
Sondaı-aq dál osy «Open Space»-te óńir basshysy Ó.Shókeev ózi de halyqpen kezdesip, olardyń máselesin sheshýge yqpal etetin bolady. Máslıhat depýtattary men salalyq memlekettik mekeme basshylary da azamattardy mazalaǵan saýaldarǵa jaýap berip, olardyń máselelerin ońtaıly sheshýde jumys atqaratyn bolady.
Buryn partıa ǵımaratynda otyryp turǵyndardy qabyldaıtyn Qoǵamdyq qabyldaý bólmesine 2019 jyldyń 8 aıynda 5933 aryz-shaǵym túsken. Onyń 45%-y ońtaıly sheshilip, 3097 ótinishke zań aıasynda keńes berilgen, 74 ótinish qaralý ústinde.
«Nur Otan» partıasy Túrkistan oblystyq fılıalynyń baspasóz qyzmeti
